"Bulla-dəniz" izolysiya edilir

"Bulla-dəniz" yatağındakı №90 quyuda yanğını izolyasiya etmək üçün hazırlıq işləri başlayıb. 

ARDNŞ hələ işi öz gücü ilə aparır. Şirkətin vitse-prezidenti Rəhman Qurbanov bəyan edib ki, Azərbaycan mütəxəssislərinin təklifləri real vəziyyəti düzgün əks etdirir. 

Əvvəl AÇG-nin operatoru olan BP və başqa xarici şirkətlər kömək təklif edib. 

№90 quyuda ilk yanğın 18 avqust 23.30-da baş verib. Bu barədə Turan-a həmin vaxt təxliyə briqadası ilə birgə gəmidə olan neftçilərdən biri məlumat verib. 

Onun sözlərinə görə, qəza siqnalı əvvəl gəlib. Quyuda təzyiq artıb böhran həddinə çatanda təxliyə qərarı verilib. Bu səbəbdən neftçilər arasında itki olmayıb. Cəmi 62 neftçi təxliyə edilib. 

ARDNŞ-dəki mənbə məlumt verib ki, yanğın, ehtimal ki, quyunun ağzında sızmadan baş verib. “Yanğın yüksək təzyiqli qazın metalla sürtünməsi nəticəsində baş verib”, - deyə agentliyin müsahibi bildirib. 

Onun sözlərinə görə, qazın hamısı quyudan çıxır. Onun tərkibinin 90%-i metandır. Ona görə alov güclü olub və hündürlüyü 60 metrə çatıb. 

İndiki texnologiyalarla yanğını söndürmək problem deyil. Quyuya top və ya torpedo ilə vurma olardı. Amma bu zaman kəşfiyyat quyusu itirilərdi. Onun dərinliyi 5886 metrdir. Bu təkcə milyonlarla investisiya yox, həm də vaxt itkisidir. İndi ARDNŞ prezidenti quyuya ziyan vurmadan yanğını söndürmək vəzifəsi qoyub. Bunun üçün quyunun ağzından metal konstruksiyalar yığışdırılacaq. Sonra təzyiqin azalmasını gözləmək lazım gələcək. Bu əlavə tədbirlər nəticəsində yanğını söndürüb quyunu xilas etmək nəzərdə tutulur, deyə ARDNŞ mütəxəssisi bildirib. 

* Sonuncu dəfə Xəzərin Azərbaycan sektorunda iri yanğın 1985-ci ildə “Bahar” yatağında olub. --12В--