ARDNŞ yalan deyir

 Rusiya qazının Azərbaycan ərazisi ilə nəqli planı barədə ziddiyyətli məlumatlar yayılır. ARDNŞ prezidenti Rövnəq Abdullayev tələsik bəyanat verib ki, “Rosneft” ilə Sibirin Urals neftinin Bakı-Novorossiysk kəməri ilə ildə 5 mln ton nəqli barədə danışıqlar başlayıb. Sonra o bildirib ki, tərəflər Urals neftinin Bakı-Tbilisi-Ceyhan kəməri ilə nəqli, İtaliya və Almaniyada emalı barədə danışıqlar aparır. “Rosneft” bu şirkətlərdə paya malikdir. 

Onun sözlərinə görə, Rusiya neftinin bir hissəsinin Bakı NEZ-lərində emalı mümkünlüyünə də baxılır. O deyib ki, ilin sonuna kimi tərəflər danışıqlar aparıb bu əməliyyatların səmərərliliyini qiymətləndirməlidir. Razılıq əldə edilsə, bu əməliyyatlar gələn ildən başlayacaq. 

“Rosneft”də Azərbaycan tərəfinin bəyanatını anlaya bilmirlər. Nə ARDNŞ, nə “Rosneft” Bakı-Novorossiysk kəmərinin Azərbaycan istiqamətində işləməsi barədə “Transneft”ə müraciət etməyib. 

“Transneft”in vitse-prezidenti Mixail Barkova istinadən İTAR-TASS məlumat verir ki, “bu məsələ barədə müraciət edilməyib və heç bir razılıq yoxdur”.

ARDNŞ-nin bu planları “Lukoyl” şirkətinin maraqlarına ziyan vura bilər. Şirkət bu kəmərlə Xəzər neftini Mahaçqaladan Novorossiyskə nəql edir. 

Hazırda Bakı-Novorossiysk kəməri ilə “Lukoyl” şirkətinin Korçagin yatağında hasil etdiyi 1 mln ton nefti nəql edilir. 

Mahaçqaladan Novorossiyskə nəql tarifi 1 ton üçün $12-dır. Revers təqdirində “Lukoyl” şirkəti öz neftini Bakıya göndərməli və ya dəmir yolu ilə nəql etməlidir. Bu isə əlavə xərcdir. “Lukoyl” şirkəti Filanovski adına yatağı istismara verəndən sonra (2015-ci il) vəziyyət ədyişəcək, Xəzərdə çıxarılan neft Xəzər boru kəməri konsorsiumunun neft kəmərinə yönəldiləcək – deyə http://rusenergy.com məlumat verir.

BTC-də Azərbaycanın Azeri Light neftinin Uralsla qarışması da şübhəlidir. Hər iki neftin API üzrə təsnifatı yaxındır – 34,8 və 32. Amma kükürd səviyyəsi fərqlidir. Azərbaycan neftində kükürd 0,15%, Rusiya neftində 1,2%-dir. Təbii ki, qiymətdə də fərq var. Azərbaycan nefti 10 dollar bahadır. 

Bakı-Novorossiysk kəmərində neftin qarışmasına ona görə yol verilirdi ki,  qarışıq neftin alıcıları vardı. BTC neftinin də öz alıcıları var. 

Ekspertlərin fikrincə, ARDNŞ prezidentin bu bəyanatının siyasi mənası var. Azərbaycan tərəfi göstərmək istəyir ki, Putinin Azərbaycana səfəri zamanı qeyd edilən əməkdaşlıq üzrə ilkin niyyətlər realistdir. Rəsmi Bakı soyuyan Rusiya-Azərbaycan münasibətlərinin yaxşılaşmasını nümayiş etdirmək istəyir.—0--