Mətbuat-Monitorinq 22.11.13
Rəsmi və iqtidaryönlü qəzetlər Belarus prezidentinin Azərbaycana səfəri, görüşləri haqda xəbərləri ilk səhifələrə çıxarıblar.
“Azadlıq”. Böyük Britaniyanın məşhur “The İndependent” qəzeti əməkdaşının Bakıya buraxılmamasına “Əliyevin idarəçiliyində həyat necədir ki, bizim görməyimizi istəmirlər?” reaksiyasını verib.
“NİDA”çı gənclərin məhkəməsində hakim vəkillərin qaldırdığı heç bir vəsatəti təmin etməyib,
Putin Ərdoğan görüşünə toxunan ekspertlər bu görüşün Qarabağ münaqişəsinin nizamlanmasında hər hansı dəyişikliyə səbəb olmayacağı qənaətinin ifadə ediblər.
Azərbaycanlı miqrantların Rusiyadakı vəziyyətinə dair səfir Polad Bülbüloğlunun açıqlamasına ekspertlər “durumun deyiləndən daha ağır olduğu, rəsmi Bakının buna adekvat cavab verməməsi” şərhini veriblər.
Amerikalı politoloq Cefri Mankoff səhv daxili siyasətin Azərbaycanı Rusiyanın “ovu”na çevirdiyini, Avropaya inteqrasiyanın yeganə yolunun daxili siyasətdəki dəyişikliklərdən asılı olduğunu bəyan edib.
Azərbaycan neftinin Rusiyaya nəqlinin dayandırılmasını ekspertlər 2012-ci ildə müəyyən olunan tariflərin Azərbaycana sərf etməməsilə əlaqələndirirlər.
“Zerkalo” Moskvanın Avropa ilə ziddiyyətdə olduğu indiki məqamda bütünlükdə Qərblə, o cümlədən Avropa İttifaqı ilə maksimal yaxınlaşması üçün unikal imkan yarandığını nəzərə çatdırır.
“Ekspress” Azərbaycan xüsusi xidmət orqanlarının ölkənin neft-qaz kəmərlərinə oaln təhdidlər baərdə açıqlamasına “risk etməyən kəmər çəkməz” mövqeyini ifadə edir.
İranın tərkibindəki Qərbi Azərbaycan vilayətlərinə kürd əsilli valinin təyin edilməsinə etirazlar rəsmi Tehranı bu vilayətlərə azərbaycanlı vali təyin etməyə məcbur edib.
İraqın şimalındakı “Kürdüstan hökuməti” Şimali və Cənubi Azərbaycanın bir sıra ərazilərini “böyük Kürdüstan” xəritəsinə salmasını nəzərə çatdırır.
“Exo” 2014-cü ilin yanvar ayından yanacağın qiymətlərinin qalxmasının ardınca bütün istehlak qiymətlərinin qalxacağı barədə xəbərdarlıq edərək indiki halda əhalinin gəlirlərinin 68%-nin istehlak xərclərinə getdiyini, gələn idlən isə bunun daha da artacağını bildirir.
“Novoe Vremya” Azərbaycanın siyasi yol seçimi olaraq Qərb ilə Rusiya arasında qalmasını obrazlı olaraq “çəkiçlə dəmirçi zindanı arasında qalması” kimi dəyərləndirir.
“Bizim yol” “deputat mandatı alveri”nə görə həbs edilən Gülər Əhmədovaya iki il şərti cəza verilməsinin vəd olunduğunu iddia edir.
Ölkədə qiymətlərin artacağı ilə bağlı məmurların açıqlamalarını ekspertlər “hökumətin qiymət artımı “məşqi etməsi” kimi dəyərləndiriblər.
“Yeni Müsavat” “Xəzərdənizgəmiçilik” birliyinin keçmiş rəisi Aydın Bəşirovun ölkədən çıxmasına icazə verilməməsini manjetə çıxararaq bunu “oliqraxın ətrafında dairənin daralması” kimi dəyərləndirir.
Qəzet “NİDA”çı gənclərin məhkəməsində vəkillərin qaldırdığı bütün əsaslı vəsatətləri hakimin təmin etməməsini “qanunsuzluqlar zənciri” adlandırır.
Qəzet son 5 ildə elm sahəsinə ayrılan 115 milyon vəsaitin müxtəlif adlar altında məhdud bir qrupun cibinə axdığını, Şamaxı rəsədxanasına ayrılan 22 milyon manatın mənimsənildiyini yazır.
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz