Mətbuat-monitorinq 23.07.15

Rəsmi qəzetlər Avropa İttifaqı Şurasının prezidenti Donald Tuskun Azərbaycana səfəri, dövlət başçısı ilə görüşü haqda xəbərləri ilk səhifədə yerləşdiriblər.

“Azadlıq” qəzeti Korrupsiyaya qarşı mübarizə idarəsi rəhbərliyinin korrupsiya əməllərinə görə Beynəlxalq Bankın keçmiş rəhbəri Cahangir Hacıyevin, AZAL prezidenti Cahangir Əsgərovun və daha 3 nazirin hədəfdə olmasını bu şəxslərin iqtidarın “qara siyahısında yer almaları” kimi ilk səhifəyə çıxarıb.

Xaricdən yayımlanan “Azərbaycan saatı” proqramının rəhbəri Qənimət Zahid bu fəaliyyətinə görə Azərbaycanda qohumlarının həbsinin belə onu yolundan döndərə bilməycəyi bəyanatı səsləndirib.

“Freedom House” qurumu dünyanın aparıcı dövlətlərinə Bakıdakı səfirlərinə hüquq müdafiəçilərinin məhkəmələrində iştirak etmək tövsiyəsi vermək müraciəti ünvanlayıb.

Avropa Məhkəməsi 2005-ci il martın 2-də Bakıda qətlə yetirilmiş jurnalist Elmar Hüseynovun xanımının şikayəti əsasında bu qətllə bağlı araşdırmalara başladığını bildirir.

Dövlət başçısı İlham Əliyevin qiymətləri endirməsi tapşırığına AZAL-ın “özünəməxsus” şəkildə əməl etməsini qəzet Əliyevin müşavirəsinin “zay bəhrəsi” adlandırır.

Qəzet mətbuat günü ilə bağlı rəsmi Bakının mükafatlandırdığı jurnalistlərin siyasi və ictimai fəallar tərəfindən sözə xəyanətdə qınanıldıqlarına dair rəylər dərc edib.

“Ekspress” qəzeti AZAL-ın qiymətləri endirməsi haqda yayılan xəbərlər fonunda qurum nümayəndəsinin “qiymətlər aşağı salınsa bəzi reyslərin bağlanacağı” açıqlamasına “ucuz biletin uçuşu olmaz” ironiyası ifadə edib.

“Exo” qəzeti “Saxobank”ın Kiril Samıkin adlı analitikinin Neft Fondunun Çinə investisiya qoymasının doğru olması mövqeyini ön çıxarıb.

Eyni zamanda qəzet Azərbaycan Sığorta Fondunun statusunun özünü əsla doğrultmadığını, bağlanan iki bankın əmanətləri qaytarılan zaman əmanətçilərin ciddi problemlərlə üzələşəkclərini nəzərə çatdırır.

“Bizim yol” qəzeti AZAL konserninin dövlətdən hər cür dəstək alması, amma vergiləri ödəməməsi, şirkətə dəbdəbəli ofis tikməyə icazə verilməməsi xəbərlərini və bu şirkətin dövlətin verdiyi 860 milyon manat pulu haraya xərcləməsi sualını ilk səhifəyə yerləşdirib.

“Yeni Müsavat” qəzeti dövlət başçısı İlham Əliyevlə Avropa İttifaqı rəhbərliyi arasında görüşü “Avropa ilə barış körpülərini sahmana salmaq” sayaraq önə çəkib.

Qəzetə açıqlama verən ekspertlər AZAL-ın qiymətləri azaltması haqda xəbərləri “ictimai rəyi sakitləşdirmək, əslində isə vətəndaşı çaşdırmaq, AZAL-ın “bilet blefi” kimi şərh ediblər.

Rəy yaz

Cəmiyyət

Sərhəddə gərginlik. Sülh danışıqları, yoxsa yenidən qarşıdurma? – Cəsur Məmmədov Çətin sualda



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti