Mətbuat-Monitorinq 23.09.14
Rəsmi qəzetlər dövlət başçısı İlham Əliyevin Yeni Bakı Dəniz Ticarət Limanı kompleksinin bərə terminalının açılışında iştirakı, burada söylədiyi nitqin mətnini ilk səhifələrdə yerləşdiriblər.
“Azərbaycan” qəzeti Avropa Parlamentinin Azərbaycanla bağlı qəbul etdiyi kəskin tənqidi qətnaməni şantaj, qərəzli mövqe sayaraq sənəd əleyhinə məqalələr dərc edib.
“Azadlıq” qəzeti dələduzluq faktına görə hakimlik statusundan məhrum edilən Həsən Əliyevin məhkəməsinin Bakıdan Gəncəyə keçirilməsini önə çəkərək bunu “növbəti rüşvət qalmaqalı”nın ört-basdır edilməsi kimi dəyərləndirir.
Həbsdə olan hüquq müdafiəçisi Leyla Yunusun hüquqlarını Müdafiə Komitəsi onun vəkilləri ilə görüşə icazə verilməməsini rəsmi Bakının siyasi məhbuslara münasibətinin göstəricisi adlandırıb. L.Yunusn vəkili Əlayif Qasımov müdafiə etdiyi şəxsə qarşı fiziki və mənəvi terroru Penitensiar Xidmətin “xeyir-duası” ilə törədildiyini bildirir.
Qəzet ABŞ-da cəmi 510-590 dollara satılan “iPhone” mobil telefon aparatlarının Bakıda 1695-2119 manat civarında satıldığını nəzərə çatdırır.
Həbsxanada “kartser”ə salınan İslam Partiyasının sədri Səməd Mövsümov 4 gündür aclıq edir, səhhətindəki problemlərə baxmayaraq, ailəsilə görüşə icazə verilmir.
Ekspertlər bütün araşdırmalara baxmayaraq, ölkədə “təhlükəsiz, standartlara uyğun çörək istehsal edən müəssisə tapmadıqları” bəyanatını səsləndiriblər.
“Ekspress” Rusiya tərəfin Xəzər dənizi səthinin milli sektorlara bölünməsinin əleyhinə olması bəyanatını ilk səhifədə yerləşdirib.
10-12 kommersiya bankının tələb edilən 50 milyon manat nizamnamə kapitalına hələ ki malik olmadığını yazan qəzet gələn ildən belə bankların bağlanacağı ilə bağlı “3 ay vaxt qalır” xəbərdarlığını edir.
“Exo” ekspertlərə istinadən 47%-i çınqılla örtülən ölkə yollarının beynəlxalq standartlara cavab vermədiyini, asfaltla örtülən yolların ancaq 25%-nin beynəlxalq normalara cavab verdiyini diqqət mərkəzinə çəkir.
“Bizim yol” Qərbin sanksiyaları ilə bağlı Rusiya tərəfin Azərbaycanın bank sərmayələrini öz banklarına yönəltmək səylərinə ekspertlər “bu vəsaitlərin sanksiyaların subyekti olmaq təhlükəsilə üzləşəcəyi” şərhini veriblər.
“Yeni Müsavat” rəsmi Bakının QHT sektorundakı həbslərindən sonra ölkədən Avropaya böyük axın başlamasını ilk səhifəyə çəkərək bunu “ölkədən qaçmanın arxasındakı böyük sirr” adlandırır.
Müsavat Partiyasının VIII qurultayına hazırlıq üzrə Təşkilat Komitəsi qurultayın Əmircandakı S.Bəhlulzadə adına sarayda keçirilməsi haqda qərar verib.
-
- İqtisadiyyat
- 23 Sentyabr 2014 13:11
-
- Siyasət
- 23 Sentyabr 2014 13:21
Cəmiyyət
-
Baş Prokurorluq Kənd təsərrüfatı mallarının ixracı ilə əlaqəli olan və bundan əldə olunan vəsaiti ölkəyə qaytarmayan vəzifəli şəxslərin növbəti qrupunun "ifşa" edildiyini bildirib.
-
Oktyabrın 26-da saat 04:35-də Azərbaycandan Rusiya istiqamətində hərəkət edən yük qatarının vaqonunda yüklərin arasında gizlənərək dövlət sərhədini qanunsuz keçməyə cəhd göstərən şəxs Dövlət Sərhəd Xidməti əməkdaşlarının sayıqlığı nəticəsində saxlanılıb.
-
Oktyabrln 28-də səhər güclü yağıntı nəticəsində Bağırov köprüsünü su basıb. Nəticədə Heydər Əliyev prospektində nəqliyyatın hərəkətində tıxac yaranıb, avtomobil sürücüləri bildiriblər.
-
Səhər saat 11:00-da paytaxtda güclü leysan yağmağa başlayıb və günün ikinci yarısına qədər davam edəcək, sinoptiklər bildiriblər.
Rəy yaz