SOCAR rəhbəri Türkmənistan prezidenti ilə danışıqlar aparıb
Türkmənistanın paytaxtında bu ölkənin prezidenti Qurbanqulı Berdımuhammedovla SOCAR rəhbəri Rövnəq Abdullayevin görüşü olub. Bu barədə Türkmənistan KİV-i məlumat yayıb.
Görüşdə məqsəd energetika sahəsində əməkdaşlıq məsələlərinin müzakirəsi olub. Görüşün təfərrüatı açıqlanmır, lakin Türkmənistan televiziyasında yayılan məlumata görə, tərəflər “qlobal enerji təhlükəsizliyi məsələsini birgə həll etmək niyyətindədir”.
Bununla əlaqədar Türkmənistanın ixrac boru kəmərlərinin çoxvariantlı sisteminin yaradılması üzrə konstruktiv strategiya qeyd olunub.
R.Abdullayev Azərbaycanın Xəzəryanı regionunun davamlı iqtisadi inkişafı üçün Türkmənistanla işgüzar əlaqələrin möhkəmləndirilməsinə “böyük maraq” göstərdiyini təsdiqləyib.
Tərəflər Türkmənistanın neft-qaz emalı və yanacaq-sürtkü materialları istehsalı üzrə layihələrində Azərbaycanın iştirakının mümkünlüyünü müzakirə ediblər.
Xatırladaq ki, bu, cari ildə SOCAR rəhbəri ilə prezident Berdımuhammedovun ikinci görüşüdür. Bundan əvvəl Türkmənistan XİN rəhbəri Bakıya səfər edib. Danışıqların əsas mövzusu Türkmənistanın enerji resurslarının Azərbaycan vasitəsilə Avropaya nəqli, Transxəzər qaz kəmərinin inşasının mümkünlüyü, Xəzərdə mübahisəli yataqlar məsələsinin tənzimlənməsi, enerji sahəsində birgə layihələr olub.
Hər iki ölkə rəsmi KİV-in qiymətləndirmələrinə görə, danışıqların yekunları prinsipial razılaşmanın əldə olunmasından xəbər verir.
Sözügedən problemlər həllini taparsa təkcə ikitərəfli münasibətlərdə dönüşdən deyil, həm də ümumilikdə Xəzəryanı regionda geosiyasi vəziyyətdə ciddi dəyişiklikdən danışmaq olar. Belə ki, Türkmənstanın nəhəng neft-qaz ehtiyatları ilə Cənub Enerji Dəhlizinə qoşulması Türkmənistanla Azərbaycanın dünya neft-qaz bazarında mövqeyini xeyli möhkəmləndirəcək.-02D-
-
- İqtisadiyyat
- 23 Sentyabr 2014 11:02
-
- Cəmiyyət
- 23 Sentyabr 2014 13:18
İqtisadiyyat
-
Azərbaycan Turizm Agentliyi, yaxınlaşan COP29 iqlim sammitində iştirak edəcək beynəlxalq qonaqları yerləşdirmək məqsədilə Bakı, Sumqayıt və Abşeron rayonlarında 300-dən çox otel və yaşayış yerini yoxlayıb. Bu yerlərdən təxminən 220-si artıq rəsmi ulduz reytinqi alıb, onlardan 10-u beş ulduz, 20-si dörd ulduz, qalanları isə müxtəlif ulduz reytinqlərinə malikdir.
-
Artıq bir neçə aydır Azərbaycanda pensiya və sosial ödənişlərin verilməsində gecikmələr olduğu bildirilir. Pensiyaçıların sözlərinə görə, gecikmələr üç-beş gün çərçivəsində olur. Məsələn, onlar vurğulayırlar ki, əlilliyə görə təqaüd ilin əvvəlində hər ayın 15-də ödənilirdisə, artıq üç aydır ki, ayın 20-si və ya 21-i ödənilir.
-
Azərbaycanın tütün ixracından əldə etdiyi gəlirlər 2024-cü ilin ilk səkkiz ayında 15,6 milyon dollara çataraq ötən ilin eyni dövründəki 3,2 milyon dollardan təxminən beş dəfə artıb. Bu kəskin artım, Azərbaycanın tütün məhsullarına beynəlxalq tələbatın genişlənməsini vurğulayır.
-
Dövlət Statistika Komitəsinin məlumatına görə, Azərbaycan bu ilin ilk doqquz ayında 11,100 ton çay idxal edib ki, bu da fiziki həcmdə 14.4%, dəyər baxımından isə 13.9% artım deməkdir. Eyni zamanda, ölkə cəmi 500 ton çay ixrac edib və bu, 4.8 milyon ABŞ dolları dəyərində olub ki, bu da Azərbaycanın daxili tələbatının 98%-ni qarşılayan idxal çayına olan güclü asılılığını vurğulayır.
Rəy yaz