Prezident İlham Əliyev İsmayıllı və Qəbələ rayonlarına səfər edib
Prezident İlham Əliyev sentyabrın 22-də İsmayıllı və Qəbələ rayonlarında səfərdə olub.
Prezident İsmayıllıda Rayon Mərkəzi Xəstəxanasında, Mədəniyyət Sarayında, uşaq istirahət və əyləncə parkında, rayon İcra Hakimiyyətinin inzibati binasında əsaslı təmirdən sonra yaradılan şəraitlə tanış olub. Yeni Azərbaycan Partiyasının İsmayıllı rayon təşkilatı üçün yeni inşa olunmuş inzibati binanın və körpələr evi-uşaq bağçasının açılışında iştirak edib.
Dövlət başçısı Qəbələ rayonunda da bir sıra iqtisadi və sosial təyinatlı obyektlərin açılışında iştirak edib.
İ.Əliyev öncə “Qafqaz Yengicə Termal Hotel və SPA” otel kompleksinin açılışında olub. Sonra Gilan-Qida şəhərciyinə gedib və orada “Gilan Holdinq”ə məxsus müəssisələrdə istehsal olunan qida məhsullarının sərgisinə baxıb.
Prezident Daxili Qoşunların Qəbələdəki hərbi hissəsində inşa olunan yeni şəhərciyin açılışında iştirak edib.
Dövlət başçısı Mirzəbəyli-Çuxur Qəbələ-Dizaxlı- Çarxana avtomobil yolunu əsaslı təmirdən sonra açıb. Daha sonra isə Qəbələ Arxeoloji Mərkəzinin açılışında iştirak edib.
Prezident hər iki rayonda ictimaiyyətin nümayəndələri ilə görüşlər keçirib.-03D-
Siyasət
-
Azərbaycan Prezidenti İlham Əliyev Çex Respublikasının Milli Bayramı münasibətilə Çexiya Prezidenti Petr Pavelə təbrik məktubu göndərib. Məktubda Prezident Əliyev öz adından və Azərbaycan xalqı adından səmimi arzularını çatdıraraq Çexiya liderinə və xalqa ən xoş təbriklərini və arzularını ifadə edib.
-
Bakı Apellyasiya Məhkəməsi Azərbaycan Xalq Cəbhəsi Partiyasının fəalı Tehran Abdullayevin narkotik maddə istifadəsi ilə bağlı inzibati həbsini qüvvədə saxlayıb.
-
Gürcüstanda keçirilən parlament seçkilərində hakim Gürcü Arzusu Partiyası erməni və azərbaycanlı əhalinin sıx olduğu rayonlarda çoxluq qazanıb: Axalkalaki – 88 faiz, Ninotsminda – 90 faiz, Marneuli – 80 faiz, Bolnisi – 81 faiz, Tetritskaro – 68,6 faiz, Dmanisi – 76,4 faiz, Tsalka – 69,3 faiz və Qardabani – 70,8 faiz. Marneulidə bülletenlərin atılmasına dair kadrlar Gürcüstanda və onun hüdudlarından kənrda sosial şəbəkələrdə geniş yayılıb. Gürcü Arzusu milli azlıqların az olduğu Tbilisidə uduzub.
-
ABŞ və avropalı müttəfiqlər müşahidəçilərin Gürcüstanda seçki pozuntuları ilə bağlı xəbərləri tam araşdırmaq çağırışlarına qoşulublar, Turan-ın Vaşinqton müxbiri bildirib.
Rəy yaz