Ədliyyə naziri AŞPA sədrini qəbul edib
Sentyabrın 22-də ədliyyə naziri Fikrət Məmmədov Bakıda səfərdə olan Avropa Şurası Parlament Assambleyasının (AŞPA) sədri xanim Ann Brasser ilə görüşüb.
Ədliyyə Nazirliyinin mətbuat xidmətinin məlumatına görə, görüş zamanı Azərbaycanla Avropa Şurası arasında müxtəlif istiqamətlərdə, o cümlədən hüquqi sahədə əməkdaşlıq məsələləri müzakirə olunub.
Nazir ölkədə insan haqları, demokratiya və qanunun aliliyinə xidmət edən islahatlardan danışıb. “Bütün bunlar Azərbaycanın Avropa Şurası Nazirlər Komitəsinə sədrliyi dövründə əsas prioritet təşkil edir”, - o vurğulayıb.
Həmçinin F.Məmmədov Avropa Şurasının iştirakı ilə məhkəmə sisteminin və infrastrukturunun təkmilləşdirilməsi, məhkumların saxlanma şəraitinin yaxşılaşdırılması, yeni müasir cəzaçəkmə müəssisələrinin inşası barədə məlumat verib.
Öz növbəsində AŞPA sədri məhkəmə-hüquq sistemindəki yeniliklər, vətəndaş cəmiyyətinin inkişafı, qanunvericiliyin təkmilləşdirilməsi və qeydiyyat prosedurları ilə maraqlanıb.
O, penitensiar müəssisələrə baş çəkmək üçün ona imkan yaradılmasına görə minnətdarlığını bildirib.
Görüşdə 2014-2016-cı illər üzrə qəbul olunmuş birgə Fəaliyyət Planının implementasiyasına, yeni layihələrin həyata keçirilməsinə dair fikir mübadiləsi aparılıb.-16d-
-
- Siyasət
- 23 Sentyabr 2014 13:21
-
- İqtisadiyyat
- 23 Sentyabr 2014 15:01
Siyasət
-
Gürcüstanda keçirilən parlament seçkilərində hakim Gürcü Arzusu Partiyası erməni və azərbaycanlı əhalinin sıx olduğu rayonlarda çoxluq qazanıb: Axalkalaki – 88 faiz, Ninotsminda – 90 faiz, Marneuli – 80 faiz, Bolnisi – 81 faiz, Tetritskaro – 68,6 faiz, Dmanisi – 76,4 faiz, Tsalka – 69,3 faiz və Qardabani – 70,8 faiz. Marneulidə bülletenlərin atılmasına dair kadrlar Gürcüstanda və onun hüdudlarından kənrda sosial şəbəkələrdə geniş yayılıb. Gürcü Arzusu milli azlıqların az olduğu Tbilisidə uduzub.
-
ABŞ və avropalı müttəfiqlər müşahidəçilərin Gürcüstanda seçki pozuntuları ilə bağlı xəbərləri tam araşdırmaq çağırışlarına qoşulublar, Turan-ın Vaşinqton müxbiri bildirib.
-
Azərbaycan Respublikasının Prezidenti İlham Əliyev Gürcüstanda keçirilmiş parlament seçkilərinin nəticələri və ölkənin aparıcı siyasi qüvvəsi olan “Gürcü Arzusu - Demokratik Gürcüstan” partiyasının qələbəsi münasibətilə Baş nazir İrakli Kobaxidzeni təbrik edib.
-
Oktyabrın 26-da Azərbaycanın ekologiya və təbii sərvətlər naziri, COP 29-un prezidenti Muxtar Babayev ABŞ prezidentinin beynəlxalq iqlim siyasəti üzrə baş məsləhətçisi Con Podesta ilə görüşüb. Bu barədə X sosial platformasında COP-un səhifəsində deyilir.
Rəy yaz