Mətbuat-Monitorinq 23.12.14

Rəsmi qəzetlər dövlət başçısı İlham Əliyevin 2015-ci il dövlət büdcəsinin tətbiqilə bağlı imzaladığı fərmanın mətnini dərc ediblər.

“Azadlıq” qəzeti rəsmi Bakının İsraili tənqidə məruz qoyması fonunda iqtidarın xaricdə bütün dayaqlarını itirməsi iddiasını manjetə çıxarıb.

Naxçıvanda fəaliyyət göstərən hüquq müdafiəçiləri İlqar və xanımı Məlahət Nəsibovlar müalicə məqsədilə ölkəni tərk ediblər.

Demokratiya Uğrunda Ümumdünya Hərəkatı rəsmi Bakını siyasi məhbusları azad etməyə çağırıb.

12 saylı həbsxanada cəza çəkən ruhani Tale Bağırzadə Qaradağ Rayon Məhkəməsinin qərarı ilə 8 ay müddətinə Qobustan qapalı həbsxanasına köçürülüb.

Bələdiyyə “seçkiləri”nə toxunan qəzet Saatlı rayonunun Yeni Novruzlu kəndində bələdiyyə üzvlərini İcra Hakimiyyətinin “seçdiyini” bildirir.

Statistika Komitəsilə müqayisədə MSK-nın seçici sayını 2 milyon nəfər az göstərməsini siyasilər “iqtidarın növbəti seçkiləri də saxta şəkildə keçirməkdə israrlı olması” hesab ediblər.

Qəzet Beyləqan rayon icra başçısı Vaqif Abdullayevin Beyləqan hərbi korpusunun ön cəbhə hissələrinin təmizlik işlərini icra edən məişət kombinatını ələ keçirmək üçün göstərdiyi təzyiqlərin sonunda kombinatın bir neçə gün işləyə  bilməməsini orduya qarşı təxribat adalndırır.    

Malta baş naziri Bakıya səfəri zamanı Heydər Əliyevin məzarı önünə əklil qoyduğuna görə ondan hesabat verməsi tələb edilir. “The Malta İndependent” isə ölkə iqtisadi resurslarının Əliyevlər ailəsinin rifahının güclənməsinə yönəldiyini yazır.

“Ekspress”  Bakının rayonlarında dəm qazından 3 nəfərin həlak olmasını önə çəkib.

Dövlət başçısı İlham Əliyevin mətbuat katibi Azər Qasımov rəsmi Bakını tənqid etdyinə görə İsrailin “Haaretz” qəzetini “sifarişlə yazmaq” təhqirinə məruz qoyub.

“Exo” kimsəsiz və valideyn himayəsindən məhrum uşaqların sayının 2001-ci ildəki 2484 nəfərdən 2014-cü ildə 685 nəfərə enməsini diqqət mərkəzinə çəkib.

“Novoe Vremya” qəzeti İsrail qəzetlərində rəsmi Bakını tənqidlərə görə rəsmi Bakının da İsraili tənqid etməsini önə çəkərək bunu “Bakı İsrailə qarşı” kimi dəyərləndirir.

Qəzet rəsmi Bakının müxalif gənclərə sərt, iqtidarpərəst gənclərə həyanlıq mövqeyinə “özününkü”lərə və “özgə”lərə” bölmək- gənclər siyasətinin mahiyyətidir?” sualını ünvanlayır.

“Bizim yol” ekspertlərə isnadən Rusiyada işləyən azərbaycanlıların “kütləvi şəkildə ölkəyə dönə bilmələri” proqnozu vermələrini önə çəkib.

Qəzet yazır ki, ekspertlər ARDNŞ ilə Yunanıstanın DESFA şirkəti arasında alqı-satqını Avropa Komissiyasının təsdiq etməməsini “ARDNŞ-nin Avropada qaz oyunçusu olmasına qarşı qüvvələrin olması” ilə əlaqələndiriblər.

“Yeni Müsavat” 14 saylı həbsxanada dustağın ölümü ilə bağlı qiyamın qalxması və həbsxanaya qoşun yeridilməsini ilk səhifəyə çıxarıb.

Qəzet yazır ki, Ağcabədidə azanın yüksək səslə verilməsinə qoyulan qadağaya etiraz olaraq bir qrup dindar etiraz aksiyası keçirməyə hazırlşır. 

Rusiyaya yaxınlaşmağa görə rəsmi Bakını tənqid edən İsraili PA-nın tənqidə məruz qoymasını qəzet “iqtidarın İsrailə soyuq savaş elan etrməsi” kimi şərh edir.

Qəzet vaxtilə biznes ortaqları olan nəqliyyat naziri Ziya Məmmədov və “Hafka” ləqəbli iş adamı Hafiz Məmmədovun fotoları fonunda “Bakı oliqarxlarının böyük toqquşmasının başladığını” bildirir.