Siyasi partiyalar bələdiyyə seçkilərinin maraq kəsb etmədiyini bildirirlər

Ölkənin bir sıra müxalif partiya təmsilçiləri çərşənbə axşamı keçirilən bələdiyyə seçkilərinə münasibətlə bağlı Turan-a açqılamalarveriblər.

Müsavat Partiyasının sədri Arif Hacılı partiya olaraq seçkilərdə iştirak və ya seçkiəri boykot etmək qərarı verilmədiyini bildirib. Amma bəzi üzvlər sərbəst şəkildə seçkilərə qatılıblar. “Seçkilərə partiya olaraq qatılmamağımız bələdiyyə seçkilərinin ictimai maraq kəsb etməməsilə bağlıdır”, - A.Hacılı partiya oalaraq seçkilərə qatılmamaları səbəbinə toxunub. Onun fikrincə, bələdiyyə seçkilərinə marağın olmamasına daha bir səbəb bu qurumun idarəetmə orqanı kimi formalaşa bilməməsi, budcəyə sərəncam verə bilməməsidir. Digər səbəb ölkədə demokratik seçkinin keçirilməməsidir. Prezident, parlament seçkilərində çoxsaylı müşahidəçilərin olmasına baxmayaraq, seçkinin nəticələri nəinki saxtalaşdırılır, hətta uydurma nəticələr əksini tapır. A.Hacılı indiki bələdiyyə seçkilərinin nəticələrinin seçicilərin iradəsini ifadə etməyəcəyini vurğulayıb. Ona görə də partiyanın bu seçkilərə maraq göstərmədiyini nəzərə çatdırıb.   

Demokrat Partiyasının sədri Sərdar Cəlaloğlu da partiyanın siyasi qüvvə olaraq yox, partiya üzvlərinin fərdi qaydada seçkilərə qatıldıqlarını bildirib. Partiya kimi seçkilərə qatılmalarına maliyyə vəsaitinin olmaması göstərilib.

Onun sözlərinə görə, 30-40 nəfər partiya üzvü namizədliyini versə də qanunsuz şəkildə qeydə alınmayıblar, 1 və ya 2 nəfər namizəd  qeydə alınıb.

“Bu seçkiləri seçki saymaq olmaz, çünki, ictimai marağa səbəb olmur, demokratik inkişafa xidmət tmir, sadəcə formal bir prosesə dönür”, -deyə ADP sədri öz mövqeyini izah edib.

AXCP Ali Məclisinin sədri Həsən Kərimov partiya olaraq və ya partiya üzvlərinin fərdi şəkildə seçkilərə qatılmadığını açıqlayıb. “Biz bu seçkilərə qatılaraq ona demokratik seçki “don”u geyindirmək fikrində deyilik”, - H.Kərimov qeyd edib.

O, hələ seçkilərdən çox öncə Milli Məclisin deputatlarından birinin artıq bələdiyyə üzvlərinin siyahısının hazır olduğunu söyləməsini xatırladaraq bu seçkilərin saxta nəticələrə əsaslandığını söyləyib.

H.Kərimov bələdiyyələrin xalqa heç nə vermədiyini deyərək elə bu baxımdan bu seçkilərdə əhalinin kütləvi şəkildə iştirak etməyəcəyini, bu addımı ilə seçkiləri boykot edəcəyini bildirib. –0--