Rəsmi və iqtidaryönlü qəzetlər dövlət başçısı İlham Əliyevin bəzi səfirlərin etimadnamələrini qəbul etməsi haqda xəbərləri ilk səhifələrə çıxarıblar.
Bundan əlavə, bu qəzetlərdə Azərbaycanda terrora hazırlıqla bağlı MTN-in keçirdiyi əməliyyat barədə geniş açıqlama verilib.
“Azadlıq” qəzeti İlham Əliyevin referenduma hazırlaşdığını yazır və bu addımı rəsmi Bakının Avrasiya İttifaqı ilə Avropa İttifaqı arasında seçim məsuliyyətini xalqın üzərinə qoymaq istəməsi kimi dəyərləndirir.
Böyük Britaniyanın “The Guardian” qəzeti rəsmi Bakını rüşvətdə ittiham edən “Dəbdəbəli otellər və kürü diplomatiyası: Azərbaycan hökuməti britaniyalı deputatları necə ələ alır?” adlı məqalə dərc edib.
Qəzet müdafiə naziri Zakir Həsənovun “hərbi xidmətə yararsız” adı ilə bilet alanların yenidən komissiyadan keçməsi haqda aidiyyatı qurumlarda araşdırma başlatması qərarının Səfərbərlik və Hərbi Çağırış üzrə Dövlət Xidmətini təşvişə salması adlandırır.
XX əsrin 80-ci illərində Elmlər Akademiyasında 44 mindən çox alimin çalışdığını yazan qəzet hazırda onların sayının 4 min nəfərdən də az oldiğunu bildirir.
Zaqataladakı silahlı insidentdə 4 nəfər güllələnib, 3 nəfər həlak olub, 1 nəfər isə ağır yaralanıb.
Polis qüvvələri əməkdar artist İlqar Cahangirovun yaratdığı “Oda” teatrının fəaliyyət göstərdiyi zirzəmi məkanını bağlayıb, aktyorlar polisə aparılıb, açarlar isə teatr rəhbərliyinə qaytarılmayıb.
Azərbaycanda dini zəmində terrora hazırlıq barədə 2013-cü ilin oktyabrında İnternetdə xəbər yayan şəxslərlə bağlı əməliyyat keçirən MTN Fərman Çətin və Şeyx Məhəmməd əl-Qusari adlı şəxsləri həbsə alıb.
Qəzet İran mənbələrinə istinadən İran Mədəniyyət Mərkəzinin əməkdaşının Bakıdan qovulduğunu yazır. 2011-ci ildən mərkəzin 8 əməkdaşının ya Bakıdan qovulduğu, ya da ölkəyə girməyə izn verilmədiyi bildirilir.
“Yeni Müsavat” dövlət başçısı İlham Əliyevin baş redaktorlarla görüşdə media və müxalifətə səslənməsini “yeni siyasət açılımı”nın anonsu kimi dəyərləndirir.
Rəsmi Bakının müxalifətlə dialoq mesajına Müsavat Partiyasının başqanı İsa Qəmbər “biz sözdən çox əmələ üstünlük veririk” mövqeyini ifadə edib.
Müsavat Partiyasının başqanı İsa Qəmbər 1918-20-ci illərdə mövcud olan ADR-in qurucularından Məhəmməd Əmin Rəsulzadənin yubileyinin qeyd olunması hadqa rəsmi Bakının qərarını “bunun dövlətin vəzifəsi olması” adlandırıb.
Nəqliyyat Nazirliyinin ortahəcmli avtobusları xəttə buraxmağa hazırlaşdığını yazan qəzet iritutumlu avtobusların paytaxtdan yığışdırılacağını bildirir.
Rusiya FTX Azərbaycanın daha bir tankerini həbs etmək istəyib. Bununla bağlı “Xəzərdənizgəmiçilik” QSC-nin keçmiş rəisi Aydın Bəşirovun maxinasiyalarının araşdırılması ilə bağlı göstəriş verilib.
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz