Mətbuat-Monitorinq 24.04.13

 

Rəsmi və hökumətyönlü qəzetlər dövlət başçısı İlham Əliyevin aprelin 16-17-də Bakıda keçirilmiş “MDB müsəlmanları sülh və sabitlik tərəfdarlarıdır” beynəlxalq konfransının bir qrup nümayəndəsini qəbul etməsi, Binəqədi rayonunun sosial-iqtisadi inkişafı üçün 2 milyon manat ayrılması haqda sərəncam imzalaması barədə yazır. 

Bundan əlavə, bu qəzetlər səhifələrinin əksəriyyətini mərhum dövlət başçısı Heydər Əliyevin anadan olmasının 90 illik yubileyinə dair yazılara  həsr ediblər. 

“Azadlıq” iqtidar-cəmiyyət və iqtidardaxili münasibətlər mövzusuna geniş yer verib. 

Qəzet AMEA-nın akademik katibi Əhliman Əmiraslanovun bu vəzifədən istefasını keçmiş təhsil naziri Misir Mərdanov üçün “boşaldılan vəzifə” adlandırır. 

Qəzet düşdüyü ağır maddi durumla bağlı cəmiyyətə növbəti dəfə abunə kampaniyasına başlamaq çağırışı edib.

Rəsmi Bakı təmsilçilərinin “bəzi qüvvələrin əsgər ölümlərinin siyasiləşdirilməsi” ilə bağlı etirazına cəmiyyət fəalları “onların da balası tabutda gəlsə sakit dayanmazlar” cavabını veriblər. 

Ekspertlər  Dövlət Neft Şirkətinin adının offşor qalmaqalında hallanmasına səbəb kimi şirkətin qeyri-şəffaf əməliyyatlarının durduğunu bildiriblər.

Deputat Rəbiyyət Aslanova PA-nın şöbə müdiri Əli Həsənovun ölkənin demokratik qüvvələrinə nifrət bəsləmək çağırışını “emosional çıxış” kimi şərh etmək istəyib. Ə. Həsənov isə çağırışını “prinsipial” mövqe adlandırıb.  

    

“Ekspress” Azərbaycan XİN başçısı Elmar Məmmədyarovun İsrail səfərini beyənlxalq baxımdan “İranı qıcıqlandıran səfər” adlandırıb.

     

“Exo” ölkə əhalisinin 20-25%-nin öz biznesinə malik olmaq istədiyini, amma Azərbaycanda özəl biznesə sahib olmaq üçün əlverişli şəraitin yaradılmadığını nəzərə çatdırır. 

Ölkənin hər 4 sürücüsündən birinin avtomobilini məhz keyfiyyətisiz yol üzündən təmir etdiriyini yazan qəzet bu təmirin 30-40 manata başa gəldiyini bildirir. 

      

“Novoe Vremya” iqtisadi maraqlarını əsas götürən Avropanın rəsmi Bakı ilə “neft oyunları” oynadığını qeyd edir, bu zaman demokratiya məsələsinin arxa plana keçirməsinə “nə qədər?” sualı ilə işarə edir. 

 

“Bizim yol” yazır ki, politoloq Vəfa Quluzadə Azərbaycan XİN başçısı Elmar Məmmədyarovun İsrail səfərinin İran tərəfindən Azərbaycan üçün ağır nəticələri ola biləcəyi barədə xəbərdarlıq edib.

           

“Yeni Müsavat” iqtidar-cəmiyyət və beynəlxalq münasibətlər mövzusuna toxunub. 

Qəzet rəsmi Bakı ilə rəsmi Berlin arasında gərgin münasibətin yaşanmasını bu dövlətin Azərbaycan səfirinin Bakıda keçirilməli olan gənc liderlər konfransını pozması, Berlinin Bakıdan “qaz almaq” istəməməsilə göstərmək istəyir.    

Azərbaycan XİN başçısı Elmar Məmmədyarovun İsrail səfərindən sonra rəsmi Tehran bu ilin yayında İranda keçiriləcək prezident seçkilərində Bakı və Dubayı İrandaxili qarşıdurmaları qızışdırmaq üçün “əsas mərkəz” adlandırır. 

ABŞ Dövlət Departamentinin hesabatında Güney Azərbaycan mövzusuna toxunularaq İranda azərbaycanlıların hüquqlarının pozulması geniş şəkildə əksini tapır.   

  

 

  

 

Rəy yaz

Cəmiyyət

Taksi sayı azaldılır, bəs köhnə taksiçilər nə ilə dolanacaqlar? – Rauf Ağamirzəyev Çətin sualda



Bizi sosial şəbəkələrdə izləyin

Xəbər lenti