Mətbuat-Monitorinq 24.07.14

Rəsmi qəzetlər dövlət başçısı İlham Əliyevin qəbulları barədə yazır. Bundan əlavə, bu qəzetlərdə Xızı rayonunda sosial inkişaf və yol tikintisi üçün 6 milyon manat vəsaitin ayrılması haqda sərəncamın mətnləri dərc ediliblər.

“Azadlıq” qəzeti hökumətyönlü deputat Qüdrət Həsənquliyevin xarici işlər naziri E.Məmmədyarovu və səfirləri tənqid etməsinin iqtidarda aranı qatmasına səbəb olduğuna görə bu qarşıdurmanın araşdırılacağını lik səhifəyə çıxarıb.

Milli Şura istintaq altında olan jurnalist Rauf Mirqədirova qarşı təzyiqləri pisləyərək bütün siyasi məhbusların qeyd-şərtsiz azadlığa buraxılmasını tələb edib.  

Anasını xəstəxanaya gətirən müsavatçı gənc Fərəc Kərimli naməlum şəxslər tərəfindən başına torba keçirilərək oğurlanıb.

Ekspert Üzeyir Cəfərov Hərbi Prokurorluqda bəzi generallarla bağlı araşdırmaya başlayıb.

Neftçilərin Hüquqlarını Müdafiə Komitəsinin sədri Mirvari Qəhrəmanlı ilin sonuna kimi ARDNŞ-də əməkdaşların 40%-nin ixtisar olunacağını bəyan edib.

Qəzet Azərbaycan alıcılarının maşın bazarında ən çox “Mersdes”, “Toyota”, “Hyundai”, “Nissan” və “KİA” markalı maşınları almasına diqqət çəkir. 

Dövlət başçısı İlham Əliyevin ölkədə ərzaq təhlükəsizliyinin təmin olunması ilə bağlı bəyanatına ekspertlər “bu bəyanatın əsası yoxdur” cavabını veriblər.

“Ekspress” Rusiyada azərbaycanlıların öz aralarında kütləvi dava salması mövzusunu önə çəkən qəzet bu fakta “özümüz özümüzü qırırıq” mövqeyini sərgiləyir.

“Exo”  ekspertlərə istinadən ölkədə spirtli içkilərin qeyri-leqal istehsalının artdığını ilk səhifəyə çıxarıb.

“Bizim yol” müsavatçı gənclər Fərəc və Sirac Kərimovların həbsini “müxalifətçi qardaşlar narkotiklə həbs edildi” sərlövhəsilə ilk səhifədə yerləşdirib.

“Yeni Müsavat”  gənc müsavatçı Fərəc Kərimlinin mülki geyimli şəxslər tərəfindən saxlanmasını və Müsavat Partiyasının həbsi siyasi sifariş adlandırmasını önə verib. 

Minlərlə vətəndaşı mənzil tikintisi adı ilə aldadan “Sevil” mənzil-tikinti şirkətinin rəhbəri Aynur Zeynalov həbs edilib, onun vəhabilər üçün gizli çəkildə məscid tikdirməsi də üzə çıxıb.

Qəzet “Azərbaycan” İntellekt Oyunlar Klubunun Penitensiar Xidmətin təşkilatçılığı ilə həbsxanalarda intellektual oyunlar üzrə turnirə start verdiyini bildirir.

Qəzetin iddiasına görə, Qərbin Rusiyanı 8 yerə bölmək planı işə salınıb, Rusiyanın iqtisadi və siyasi sahədə təklənməsi prosesi işə düşüb.

YAP-çı deputat Mübariz Qurbanlının Dini Komitəyə sədr təyin olunmasına eksperlər “dini sahəyə nəzarətin artması, dini icmalara isə təzyiqin güclənməsi” şərhini veriblər.