Mətbuat-Monitorinq 24.08.15

Rəsmi qəzetlər Azərbaycanın bütün regional məsələlərdə “əsas söz sahibi” kimi çıxış etməsi kimi rəsmi təbliğata xidmət edən yazıları ilk səhifələrdə yerləşdiriblər.

“Azadlıq” qəzeti ölkədə ikiqat devalvasiyanın olacağı iddiasını manjetə çıxarıb, bankların dollar satışını məhdudlaşdırdığı bildirilir.

Qəzet Mingəşevir şəhər polis şöbəsində şəhər sakini Bəhruz Hacıyevin dünyasını dəyişməsi və ondan sonrakı olaylara toxunur. Mingəçevir şəhər sakini Bəhruz Hacıyevin ölümü ilə bağlı polislə toqquşmaya görə şəhərə xüsusi əməliyyat qüvvələrinin yeridilməsi “Mingəçevirdə fövqəladə vəziyyət” adlandırılır, bu haqda araşdırma yazısı təqdim edir.

Milli Şuranın sədri Cəmil Həsənli polis bölmələrində sistematik hal alan işgəncə faktlarını “DİN-in hüquq-mühafizə orqanından işgəncə orqanına çevrilməsi” kimi şərh edir.

Belarus prezidenti Lukaşenkonun siyasi məhbusları azad etməsi, Azərbaycanda siyasi məhbusların hələ də həbsdə saxlanmaları “Avropanın sonuncu diktatorunun İlham Əliyev olması” kimi dəyərləndirilir.

Ekspertlər növbəti devalvasiya ehtimalı ilə bağlı bu halda ilk zərbənin bank sektoruna dəyərək bankların 3/1-nin sıradan çıxaracağını bəyan edirlər.

İrana beynəlxalq embarqolar zamanı Azərbaycan bu dövlətin 500 milyon  dollar aktivini dondurub, indi İran həmin vəsaitləri israrla geri tələb edir.

“Yeni Müsavat”   Qərbin Kremlə və onun potensial tərəfdaşlarına belə “bütün cəbhəboyu hücuma keçdiyini iddia edən qəzet Azərbaycanı da Rusiyanı müttəfiqi sırasına aid edərək “Ruisyaya qarşı iqtisadi müharibədə “Azərbaycan cəbhəsi-təhlükə” “xəbərdarlığı” edir.

Qəzet yazır ki, Mingəçevir polisində dünyasını dəyişən Bəhruz Hacıyevin atası “oğlumu elektroşokla öldürüblər” deyib.

Bir qrup vətəndaşa qarşı 8 milyon manatlıq dələduzluq faktına görə deputat Elmira Axundovanın oğlu Həbib Axundov Gömrük Komitəsindəki işindən uzaqlaşdırılıb.

Bakı Şəhər İcra Hakimiyyətinin keçmiş əməkdaşı Tamara Həmidova iki magistral su kəməri keçən Cobanzadə 45-dəki ərazidə ev tikib, “Azərsu” dəfələrlə məhkəmə iddiaları qaldırıb, evin sökülməsi qərarı verilib, qərarın icra edilməsi əvəzinə T.Həmidova daha iki binanın tikintisinə hazırlaşır və Nizami Rayon Məhkəməsinin hakimi Rövşanə Vəliyeva T.Həmidovanın xeyrinə qərar çıxarır.