Demək olar ki, Azərbaycan KİV-in heç biri ölkə banklarında dollar satışının dayandırılmasını şərh etmir.
Bazar ertəsi banklar və valyutadəyişmə məntəqələri dollar satmayıblar, baxmayaraq ki, Mərkəzi Bank dolların rəsmi məzənnəsinin
$1=1,0470 AZN olduğunu bildirib.
Bundan əlavə, bəzi KİV manatın dollara nisbətən möhkəmləndiyini qeyd edir.
Medianın bu cür davranışı ondan xəbər verir ki, bəzi KİV bu mövzuya toxunmamaq və valyuta qeyri-müəyyənliyi ətrafında əlavə ajiotaj yaratmamaq barədə göstəriş alıb.
Online media saytları müxtəlif məşiət xəbərlərinə və beynəlxalq məlumatlara geniş yer verərək ölkənin ictimai-siyasi həyatını, sosial aspektləri az işıqlandırırlar.
Valyuta bazarında gərginlik ötən həftədən hiss olunmağa başlayıb. İkinci devalvasiya dalğasının olacağı barədə şayiələri hələlik heç kim təkzib etmir. Mərkəzi Bank hazırki durumu hələlik şərh etmir, yalnız vəziyyətin nəzarətdə olduğunu bildirir. –0—
İqtisadiyyat
-
Ötən il Azərbaycanın ixracı kəskin azalıb. 2024-cü ildə ölkənin ixracı 26 milyard 554 milyon 56 min, idxalı 21 milyard 58 milyon 44 min ABŞ dolları olub. Müsbət saldo 5 milyard 496 milyon 12 min ABŞ dolları təşkil edib. Bu barədə Dövlət Gömrük Komitəsinin (DGK) məlumatında bildirilir.
-
“Şəfəq” Günəş Elektrik Stansiyasının (GES) tikintisi ilə bağlı texniki-iqtisadi əsaslandırmaya əsaslanan yekun investisiya qərarının (FID) 2025-ci ildə qəbul edilməsi gözlənilir. Bu barədə BP-nin Xəzər regionu üzrə vitse-prezidenti Bəxtiyar Aslanbəyli cümə günü jurnalistlərə bildirib.
-
BP Plc 2025-ci ilin sonuna qədər Azəri-Çıraq-Günəşli (AÇQ) blokunun dərin qaz yataqlarından qaz hasilatına başlamağı planlaşdırır, BP-Azərbaycanın mətbuat xidmətinin rəhbəri Tamam Bayatlı jurnalistlərə bildirib.
-
Azərbaycanın İRİA (İnnovasiya və Rəqəmsal İnkişaf Agentliyi) və İsrailin Israel Aerospace Industries (IAI) şirkəti Anlaşma Memorandumu (MoU) imzalayıblar. Saziş iki ölkə arasında iqtisadi, sənaye, elmi və texnoloji əməkdaşlığın dərinləşdirilməsinə yönəlib.
Rəy yaz