Rəsmi qəzetlər dövlət başçısı İlham Əliyevin qəbulları ilə bağlı xəbərləri ilk səhifələrə yerləşdiriblər.
Deputat Bəxtiyar Sadıqovun redaktoru olduğu “Azərbaycan” qəzetində ABŞ-ı islam dünyasını “qarışdırmaq”da ittiham edən məqalə yer alıb.
“Azadlıq” qəzeti Almaniya xarici işlər nazirinin Azərbaycan səfərinin gərgin keçməsini manjetə çıxararaq “alman nazir və jurnalsitlərin rəsmi Bakını qəzəbləndirdiyini” iddia edir.
Qəzet siyasi məhbuslar məsələsilə bağlı rəsmi Bakının son əfv fərmanını yetərli saymadığı, AŞ-nin baş katibi Yanqlandın isə bu sahədə daha ciddi addımlar gözlədiyi bəyanatını nəzərə çatdırır.
Vəkil Elçin Sadıqov həbsdə olan QHT rəhbəri Anar Məmmədli və onunla birgə həbs olunanların işinə noyarbın 11-də Ali Məhkəmədə baxılacağını açıqlayıb.
Jurnalist Xədicə İsmayıl siyasi məhbuslar məsələsilə bağlı bu günlərdə yaradılan işçi qrupunun siyasi məhbus problemini həll etmək gücündə olmadığını bəyan edib. Keçmiş deputat Gültəkin Hacıbəyli də bu mövqeyi bölüşüb.
“The Economist” jurnalı hüquq müdaəfiəçisi Leyla Yunusun həbsinə səbəb kimi “Əliyev hökumətini qəzəbləndirməsi”ni göstərib.
“London taksiləri” sürücüləri gündəlik plan həcminin 40 manata qaldırılmasına etiraz olaraq aksiya keçiriblər.
“Ekspress” Qarabağ münaqişəsinin tənzimlənməsilə bağlı Azərbaycan və Ermənistan dövlət başçılarının qarşıdakı Paris görüşünü ön plana çıxarıb.
XİN rəhbəri Elmar Məmmədyarov alman mətbuatında rəsmi Bakını tənqid edən məqalələri “sifarişli” adlandırıb.
Ölkə bazarlarında kənd təsərrüfatı mallarının bahalaşmasına nazir Heydər Əsədov “təkcə istehlakçının maraqlarını düşünsək hədəflərimizi məhv edərik” kimi anlaşılmaz cavab verib.
“Exo” ekspertlərə istinadən yerli tikinti materiallarının bazarda idxal materiallarını sıxışdırmasını önə çəkərək bunu “yerli tikinti materialları üçün yeni era” kimi dəyərləndirir.
“Novoe Vremya” Almaniya xarici işlər nazirinin Azərbaycan səfərini önə çəkərək ona “birinci geosiyasətdir” mövqeyini sərgiləyir və səfərin demokratiyanın inkişafına tövfə verməyəcyi iddia edilir.
“Bizim yol” bu ilin 9 ayında ölkə yollarında baş vermiş 1959 qəzada 845 nəfərin həyatını itirdiyini, 1993 nəfərin müxtəlif dərəcəli xəsarətlər aldığını bildirir.
“Yeni Müsavat” Qarabağ münaqişəsinin tənzimlənməsi məsələsini önə çəkərək qarşıdakı Paris görüşündə sənəd imzalanacağı ilə bağlı iddiaların ciddiləşdiyini bildirir və bunu “Paris görüşü ilə bağlı şok gözlənti” kimi dəyərləndirir.
“Tolışi sədo” qəzetinin redaktoru məhbus Hilal Məmmədov qızının toyunda iştirak etmək üçün 3 gün azadlığa buraxılıb.
Cəmiyyət
-
Bazar günü, yanvarın 12-də Bakıda və Abşeron yarımadasında havanın dəyişkən buludlu, arabir tutqun, əsasən yağmursuz olacağı gözlənilir.
-
Yanvarın 11-də Bakıda hava dəyişkən olacaq, yağıntı olmayacaq. Səhər Abşeronun bəzi yerlərində qısamüddətli yağış yağa bilər. Mülayim cənub-qərb küləyi əsəcək.
-
Yeni funksiya sayəsində müştərilər fərdiləşdirilmiş təkliflərdən birbaşa ”Azercell” tətbiqindən faydalana biləcəklər Abunəçilərinə ən yaxşı rəqəmsal təcrübəni təqdim etməyi hədəfləyən lider mobil operator “Azercell” tətbiqinin texnoloji imkanlarını genişləndirməyə davam edir. Abunəçilər üçün xüsusi hazırlanan təkliflərlə artıq birbaşa tətbiqdən tanış olmaq və rahat şəkildə faydalanmaq mümkündür.
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
Rəy yaz