Oktyabrın 23-də N.Nərimanov adına NQÇİ ərazisində dəniz platformasının uçması nəticəsində itkin düşən dörd neftçi həlak olub.
SOCAR-ın mətbuat xidmətinin məlumatına görə, hadisə zamanı platformada 41 neftçi olub. FHN əməkdaşları 37 nəfəri hadisə yerindən evakuasiya edib. Qalan 4 nəfəri tapmaq mümkün olmayıb.
Oktyabrın 23-də axşam SOCAR və FHN-in birgə məlumatında bildirilib ki, itkin düşən dörd nəfərdən üçünün cəsədi tapılıb. Dalğıclar cəsədləri hadusə yerindən 2 km. aralıda aşkar ediblər. Dördüncü cəsədin axtarışı davam etdirilir.
Qeyd edək ki, qəza meydançası Səngəçal qəsəbəsindən (Bakının 40 km. cənubunda) 2 km. məsafədə yerləşir.
* SOCAR obyektində böyük qəza – “Bulla-dəniz” platformasında yanğın 2013-cü il avqustun 19-da baş verib. Açıq dənizdə yanğının söndürülməsi üç ay davam edib. Yanğının söndürülməsinə xarici şirkətlər, həmçinin FHN və Sərhəd qoşunlarının hərbi gəmiləri cəlb edilb. –12В-
Cəmiyyət
-
Oktyabrln 28-də səhər güclü yağıntı nəticəsində Bağırov köprüsünü su basıb. Nəticədə Heydər Əliyev prospektində nəqliyyatın hərəkətində tıxac yaranıb, avtomobil sürücüləri bildiriblər.
-
Səhər saat 11:00-da paytaxtda güclü leysan yağmağa başlayıb və günün ikinci yarısına qədər davam edəcək, sinoptiklər bildiriblər.
-
Müsəlman Birliyi Hərəkatının üzvü, 7 il həbsdə saxlandıqdan sonra 20 gün əvvəl azadlığa buraxılan Əhsən Nuruzadə yenidən saxlanılıb. Bu barədə Turana Müsəlman Birliyi Hərəkatından verilən məlumatda bildirilir ki, dini inanclı fəal oktyabrın 26-da qızının gözü qarşısında saxlanılaraq aparılıb. Onun hansı səbəbdən saxlanması, hara aparılması haqda yaxınlarına heç bir məlumat verilməyib.
-
Həbsxanada 136 gündür aclıq edən İstanbul Universitetinin doktorantı Fazil Qasımovun səhhəti ağır olaraq qalır.
Rəy yaz