Mətbuat-Monitorinq 24.11.14

Rəsmi qəzetlər bir sıra qanunlara, əsasnamələrə dəyişikliklərlə bağlı mətnləri öz səhifələrində yerləşdiriblər.  

“Azadlıq” qəzeti “Cahan Holdinq”in ölkədə şatışını icra etdiyi “Red Bull” və “Caguar” içilərinə qadağa qoyula bilməsini önə çəkərək bunu holdinqin sahibi,  Naxçıvan parlamentinin sərdi Vasif Talıbova zərbə adlandırır. 

Qəzet yazar Rafiq Tağının qətlindən 3 il keçsə də cinayətin üstünün açılmamasını nəzərə çatdırır.

Siyasi məhbus Tofiq Yaqublu Batumidə keçirilən  tədbirdə Azərbaycan nümayəndə heyətinin ölkədə siyasi məhbuslarla bağlı sərgiyə hücumunu  pisləyib.

Avropa İttifaqı Vətəndaş Cəmiyyəti Forumunun  tədbirində Azərbaycanda siyasi məhbuslarla bağlı sərginin təşkilinə görə “Yeni Müsavat” qəzetinin redaktorunun  ”Çexiyanın “People in Need” qurumunu “ermənipərəst” adlandırmasını ictimai fəallar “ baş redaktorun hakimiyyəti xilas etmək istərkən özünün “batması” gizli missiyasının ifşası” kimi dəyərləndiriblər.

Siyasi Məhbuslar Monitorinq Mərkəzi (SMMM) AXCP şöbə müdiri Rafiq Daşdəmirlinin oğlunun həbsini pisləyən bəyanat yayıb.

Qəzet yazır ki, Naxçıvan dindarları ad çəkmədən hansısa bir dini cərəyanla bağlılığa görə bir neçə gündür ki, bölgə dindarların polisə aparıldıqlarını bildirirlər.

“Yeni Müsavat”  Bakıda “anti-İŞİD” qruplaşmasının yaradılmasını gələn il Bakıda keçiriləcək Avropa Olimpiya Oyunları ilə bağlı “Bakının təhlükəsizlik dairəsi”nə alınması ilə əlaqəli olması xəbərini manyetə çıxarıb.

Qəzet Türkiyədə Ermənistanla sərhədlərin açılmasının lazımlığı haqda xəbərləri “Türkiyənin Azərbaycanın başı üzərindən Ermənistana əl uzatması” hesab edir.

Almaniyanın “Deutsche Velle” Akademiyasının Batumida keçirdiyi  “Nifrət dili və informasiya savaşı: keyfiyyətli jurnalistikaya çağırış” adlı tədbirdə Cənubi Qafqaz ölkələri mediasına dair monitorinqin nəticələri açıqlanıb. Monitorinqə əsasən Azərbaycan və Ermənistan mediasının “etnik” xəstəlikdən əziyyət çəkdiyi, Gürcüstan mediasının isə demokratiyadan sui-istifadə etdiyi əksini tapıb.