Həbsdən çıxan Azadlığın jurnalisti Xalid Qarayev dedi ki...
“Azadlıq” qəzeti və “Azərbaycan saatı” TV proqramının əməkdaşı Xalid Qarayev azadlığa buraxılıb. Həbsxananı tərk edəndən sonra AzadlıqRadiosuna danışa jurnalist həbsini belə xatırlayır:
- Bizim ərazidə "polisin adamı" kimi tanınan biri var. Mənə zəng etmişdi ki, ərazidə bəzi təmir işləri aparmalıyıq və mənimlə danışmalıdır. Artıq zəng edəndə anlamışdım ki, nəsə mənə qarşı həbs hazırlanır. Axşam marketdən bəzi şeylər alıb çıxanda arxadan yaxınlaşdı. Bir neçə nəfər də vardı. Dedilər bizimlə gəlməlisən. Bildirdim ki, rəsmi çağırış göndərin. Dedilər ki, gəlməlisən - vəssalam. 4-cü polis bölməsinə apardılar. Oradan da Binəqədi polis idarəsinə. "Azadlıq" qəzetindəki fəlaiyətimlə maraqlandılar.
Xalid Qarayev deyir ki, həbsinin əsas səbəbi onun jurnalistika fəaliyyətidir və ölkdədki represiyaların davamıdır:
- Həmkarlarıma, vətəndaş cəmiyyəti fəallarına olan təzyiqin bir hissəsidir. Həbsdə qaldığım 25 gündə mən heç nə itirmədim. Əvəzində cəmiyyət, beynəlxalq ictimaiyyət ölkədəki represiyaların bir daha fərqinə vatdı. Düşünürəm ki, həbsim nə qədər qanunsuz olsa da, rejimin ifşası həbsimin müsbət tərəfidir.
Jurnalist İnzibati Həbs Olunanların Saxlanılma Məntəqəsində onunla normal rəftar edildiyini deyir.
Xalid Qarayev oktyabrın 29-da həbs edilib. Bir gün sonra Binəqədi Rayon Məhkəməsi onu xuliqanlıq və polisə tabe olmama ittihamı ilə 25 gün müddətinə həbs edib. Müdafiə tərəfi bu həbsi siyasi sifariş sayır.
Bir neçə beynəlxalq təşkilat Xalid Qarayevlə bağlı bəyanat yaymışdı. Bəyanatda Azərbaycan hökümətini jurnalisti azad etmək və ölkədə fərqli düşünənlərin təqibinə son qoymaq tələb olunurdu
Siyasət
-
Rusiya və İran prezidentləri Vladimir Putin və Məsud Pezeşkian yanvarın 17-də Moskvada danışıqlar aparacaqlar və mətbuata açıqlama verəcəklər, bu barədə Kremlin mətbuat xidməti məlumat yayıb.
-
Yanvarın 13-də Bakı Ağır Cinayətlər Məhkəməsində hakim Aygün Qurbanovanın sədrliyi ilə ictimai fəal Nicat İbrahimin cinayət işi üzrə məhkəmənin hazırlıq iclasında Nicat İbrahim "qanunsuz" həbsinə və məhkəmənin gedişinə etiraz olaraq məhkəmə zalında saxlanıldığı şüşə qəfəsə başı ilə zərbələr endirərək intihara cəhd edib.
-
Beynəlxalq Narahat Alimlər Komitəsi həbs edilmiş tədqiqatçı İqbal Əbilovun azad edilməsinə köməklik göstərmək xahişi ilə Azərbaycan prezidenti İlham Əliyevə müraciət edib.
-
Gürcüstanın XİN başçısı Maka Boçorişvili dünən Azərbaycanın Gürcüstandakı səfiri Faiq Quliyevlə görüşüb.
Rəy yaz