Rəsmi qəzetlər dövlət başçısı İlham Əliyevin Bakı şəhəri və qəsəbələrinin sosial-iqtisadi inkişafına dair dövlət proqramının nəticələrinə dair konfrans keçirməsi, çıxış etməsi haqda xəbərləri ilk səhifələrə çıxarıblar.
“Azadlıq” qəzeti səhiyyə naziri Oqtay Şirəliyevin müayinələrin özəl klinikaların əlindən almaq istəməsini nazirin “müayinə davası” adlandıraraq ilk səhifəyə çıxarıb.
“Amnesty İnternational” təşkilatı saxta ittihamlarla həbsə alınan QHT rəhbəri Anar Məmmədlini “vicdan məhbusu” elan edib.
Vəkil Elman Fəttah Müsavat Partiyasının başqan müşaviri Yadigar Sadıqlıya 7 il həbs cəzası istənilməsini “olmayan cinayətə görə cəza” adlandırıb.
Hərbçilərin dəfn qaydaları hazırlanır, dəfn mərasimlərində iştirak üçün qarnizonlarda xüsusi bölmələr yaradılacaq.
Qəzet Rusiya mediasına istinadən rəsmi Kremlin 2014-cü ildən etibarən əcnəbilərin bazarlarda, çadırlarda, apteklərdə işə götürülməsini qadağan etməsini “Rusiyadan Azərbaycana ciddi zərbə vuracaq qərar” kimi dəyərləndirir.
“Zerkalo” Türkiyədəki son həbsləri Ərdoğanın özünə qarşı “ümumdünya sui-qəsdi” saymasına “hamı Ərdoğana qarşı” ironik şərhini verir.
“Ekspress” 11 ayda qidadan 1214 zəhərlənmə faktının qeydə alındığını, 82 dönərxananın fəaliyyətinin dayandırıldığını nəzərə çatdırır.
“Exo” minimum istehlak səbətinə daxil olan ərzağın qiymətinin 50-%-ə qədər bahalaşdığını nəzərə çatdırır.
“Novoe Vremya” rəsmi Bakı təmsilçilərinin xalq üçün əlverişli həyat şəraiti yaratmaları haqda bəyanatlarını əsassız sayaraq iqtidara “çəhrayı eynəkləri çıxarmaq zamanıdır!” müraciətini edir.
“Bizim yol” ekspertlərə istinadən ölkədəki bahalaşmanın hər faizindən əhalinin 170 miylon manat itirdiyini yazaraq bunu “inhisarçıların xalqa vurduğu zərərin miqyası” kimi təqdim edir.
“Yeni Müsavat” keçmiş müdafiə naziri Səfər Əbiyevin ev dustağı edilməsi, MTN-in onun fəaliyyətini araşdırmağa başlaması iddiasını önə çəkib.
Vəkil Yalçın İmanov bildirib ki, MTN təcridxanasında saxlanılan jurnalist Pərviz Həşimli işgəncəyə məruz qalması haqda açıqlamalarına görə 4 saat lüt halda karserdə saxlanılıb.
Bir neçə gün öncə Vergilər Nazirliyinin əsas giriş qapısındakı təhlükəsizlik kameralarını atəşə tutan Samir Qurbanov vergilər naziri Fazil Məmmədovun müavini Namiq Əliyevin bacanağı çıxıb.
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz