Əli İnsanov : Qaçqınların və məcburi köçkünlərin hüquqlarını xalqın seçdiyi hakimiyyət bərpa edəcək

Hazırda həbsdə olan keçmiş səhiyyə naziri Ermənistanda  yaşayan azərbaycanlıların tam deportasiyasının 25 ilinin tamam olması ilə bağlı bəyanatla çıxış edib. 

Bəyanatı Turana vəkil Toğrul Babayev çatdırıb. Sənəddə deyilir: 

“Əziz   həmvətənlər, biz bu günlərdə azərbaycanlıların Ermənistan adlanan qədim oğuz yurdundan faciəvi şəkildə son məcburi deportasiyasının 25-ci ilini böyük üzüntü və kədərlə yada salırıq. 

Təəssüflər olsun ki, bu uzun illər ərzində Azərbaycan iqtidarı qaçqın və məcburi köçkünlərin tapdanmış hüquqlarının müdafiəsi və doğma yurdlarına qaytarılması üçün  heç bir real iş görməyib. 

Azərbaycan xalqı əmin ola  bilər ki, yalnız onun iradəsi ilə seçilmiş hakimiyyət tapdanmış hüquqlarını özünə qaytaracaq, ədaləti bərpa edəcək, açıq və demokratik cəmiyyət quracaq. Fikrimi Hötenin bu sözləri bitirirəm: Həyat və azadlığa yalnız hər gün bu yolda savaşa gedənlər layiqdir”,  sənəddə qeyd edilir. 

Keçmiş səhiyyə naziri Əli İnsanov 2005-ci ilin oktyabrında parlament seçkiləri öncəsi hakimiyyət çevrilişinə hazırlıq ittihamı ilə həbs edilib. Sonradan iqtisadi cinayətlərdə günahlandırılaraq 11 il həbsə məhkum edilib.-03B-