![Əli Abbasov: Hədəfimiz 2017-ci ildə İKT sahəsində 8-8,5 milyard dollar gəlirə çatmaqdır](https://turan.az/resized/media/2013/main/122300062937-750-500-resize.webp)
Əli Abbasov: Hədəfimiz 2017-ci ildə İKT sahəsində 8-8,5 milyard dollar gəlirə çatmaqdır
Azərbaycanın Rabitə və İnformasiya Texnologiyaları naziri Əli Abbasov “Azərbaycan 2013-2018: Yeni hədəflərə doğru” mövzusunda keçirilən konfransda informasiya kommunikasiya (İKT) texnologiyaları ilə bağlı geniş çıxış edib.
Onun sözlərinə görə, Azərbaycan yaxın gələcəkdə İKT məhsullarını xarici bazarlara çıxarmağı planlaşdırır. Lakin nazir, söhbət hansı UKT-yə aid olan hansı məhsullardan getdiyini deməyib.
Nazir deyib ki, Ümumdünya İqtisadi Forumunun apardığı hesablamalara görə, Azərbaycan internetin inkişafına görə MDB və Mərkəzi Asiya ölkələri arasında ən öncül yerdədir.
“Azərbaycan ilk süni peykdən artıq 10 mln. dollar gəlir əldə edib və peyklə bağlı cəlb edilən kreditlərin 70 faizinə qədər qaytarılıb”.
Onun sözlərinə görə, Azərbaycanın “Azerspace-1” süni rabitə peykinin istismarından əldə olunan gəlirlər artmaqda davam edir.
Abbasovun dediyinə görə, Azərbaycanda hazırda İKT-dən ildə 2 mlrd. dollar gəlir əldə edir. “Hədəfimiz 2017-ci ildə 8-8,5 milyard dollar gəlirə çatmaqdır. Bu sahədə orta illik artımın 15-18% olacağı prqnozlaşdırılır. İnnovaftiv xarakterli xidmət və məhsulların xaricə bazarlara çıxarılması əsas götürüləcək”.
Ə.Abbasov 2020-ci ilə qədər dövlətin əhaliyə təqdim etdiyi xidmətlərin 100%-nin “Elektron Hökumət” vasitəsi ilə həyata keçirilməsi, əhalinin elektron xidmətlərdən istifadə səviyyəsinin 80%-ə çatdırılması nəzərdə tutulur.
Onun sözlərinə görə, “Qızıl üçbucaq” deyilən konsepsiya üzərində iş aparılır.
Konsepsiyaya görə. birinci növbədə intellektual insan potensialı yetişdiriləcək. Bu istiqamətdə son vaxtlar yeni universitetlərin yaradılması da qeyd olunmalıdır. İkincisi, əlverişli biznes mühitinin yaradılması ilə bağlıdır. Texnoparkların yaradılması, yeni vergi və gömrük siyasəti bura daxildir. Üçbucağın üçüncü bucağı kapitalla bağlıdır. Neftdən gələn gəlirlərin qeyri-neft sektoruna, texnologiyanın inkişafına yönəldilməsi həyata keçirilir. Bu istiqamətdə işlər gerçəkləşdirilərsə “Qızıl üçbucaq” konsepsiyası uğurla həyata keçiriləcək”, nazir qeyd edib.
Abbasov bildirib ki, Azərbaycanın İKT məhsullarının xarici bazarlara çıxarılması üçün transmilli şirkətlərlə əməkdaşlıq edir, birgə layihələr planlaşdırır. “2020-ci ilədək İKT sahəsinə dövlət tərəfindən 3,3 mlrd. dollaradək, özəl sektor da təxminən eyni həcmdə sərmayə yatırılacağı gözlənilir. Əgər İKT sahəsinə qoyulan 1 dollar sərmayənin 10 dollar gəlir gətirdiyini nəzərə alsaq, hədəflərimizə nail ola bilərik”, Rabitə və İnformasiya Texnologiyaları naziri deyib.-03C-
İqtisadiyyat
-
Azərbaycan Respublikasının Nazirlər Kabineti iyulun 17-də dövlət tərəfindən tənzimlənən malların, xidmətlərin və tariflərin siyahısında dəyişiklikləri, habelə idxal və ixrac gömrük rüsumlarına düzəlişləri təsdiq edib.
-
Rəşad Hüseynov Kənd Təsərrüfatı Nazirliyinin tabeliyində olan Aqrar Tədqiqatlar Mərkəzinə (ATM) yeni direktor təyin edilib. O, 2019-cu ildən mərkəzə rəhbərlik edən Firidusi Fikrətzadəni əvəz edib. Fikrətzadə iyunun 10-da öz istəyi ilə vəzifəsindən ayrılıb.
-
İyulun 1-dən avtobuslarda və metroda gediş haqqı 10 qəpik bahalaşaraq 50 qəpik olub. Bakı-Sumqayıt istiqamətində avtobusda gediş haqqı isə 60 qəpikdən 70 qəpiyə yüksəlib. Amma qiymət artımından sonra keyfiyyətdə heç bir dəyişikliyin olmadığı bildirilir. Şikayətlərə görə, periferiyada fəaliyyət göstərən avtobuslarda kondisionerlər işləmir, sıxlıq davam edir.
-
Azərbaycan Respublikası Dövlət Neft Şirkətinin (SOCAR) Prezidenti Rövşən Nəcəf, Sloveniya Ətraf Mühit, İqlim və Energetika Naziri Bojan Kumer ilə ikitərəfli enerji sektorunda əməkdaşlığı müzakirə etmək üçün görüş keçirdi.
Rəy yaz