Rəsmi qəzetlər ölkənin enerji daşıyıcıları istehsalı sahəsindəki uğurlar haqda yazılara geniş yer veriblər.
“Azadlıq” qəzeti. Rəsmi Bakının Meksikaya diplomatik və iqtisadi hədə- qorxularına baxmayaraq, Meksika hökuməti Heydər Əliyevin bu ölkədəki heykəlinin götürülməsinə qərar verib.
Noyabrın 17-də keçirilən akisyada iştiraka görə inzibati cəzadan azadlığa çıxanlar belə həbslərin onları yollarından döndərə bilməyəcəyini bəyan ediblər.
Türkiyəli modelyeri Barbaros Şansal Azərbaycan XİN başçısı Elmar Məmmədyarovun ona bahalı saat bağışladığını bildirib.
Qəzet nəqliyyat nazirinin oğlu Anar Məmmədovla bağlı təkzib verməsini “ya təkzib verməyib qəzetin fəaliyyətini dayandıracaqdıq, ya da təkzib verməklə İlham Əliyev və ətrafını tənqid etmək imkanını saxlayacaqdıq” şəklində şərh edir.
“Yeni Müsavat” Meksika hökumətinin Heydər Əliyevin bu ölkədəki heykəlinin götürülməsini diplomatik uğursuzluq adlandırır.
Moskvada yaradılan şərti “milyarderlər ittifaqı”nın üzvü İsgəndər Xəlilovun Azərbaycandakı biznes strukturları dövlət qurumlarının təftişinə məruz qalıb.
Dekabrın 10-da İctimai Palata və Müsavat Partiyası parlamentin önündə birgə aksiya keçirəcək.
Neft Fondunun 500 milyon dollar vəsaitinin Rusiya banklarına yerləşdirilməsini qəzet “siyasi və iqtisadi risklərin nəzərə alınmaması” kimi dəyərləndirir.
“Bakı Xəbər” Azərbaycanda “talış birliyi” ictimai qurumunun yaradılmasını “Rusiyanın etnik azlıqlar faktorunda öz xeyrinə yararlanmaq istəməsi” kimi qiymətləndirib.
Qəzet araşdırmalara əsasən konkret adlar göstərmədən ölkədə 20 bankın bağlanmaq təhlükəsi önündə qaldığını bildirir.
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz