Müsavat Partiyası AXCP Gənclər Komitəsinin üzvü Dəyanət Babayevə qarşı cinayət işinin qaldırılmasını pisləyən bəyanat yayıb.
Sənəddə deyilir ki, D.Babayev noyabrın 17-də “Parlament buraxılsın” tələbi ilə keçirilən aksiyanın fəal iştirakçısı olub. Aksiyada polis tərəfindən saxlanılaraq 7 sutka inzibati həbs cəzası alıb. İnzibati cəza müddəti başa çatdıqda ona qarşı cianyət işi başlanıb.
Daxili İşlər Nazirliyi D.Babayevin noyabrın 7-də baş verən insidentə görə saxlanması haqda açıqlama yayıb. Açıqlamaya görə, həmin gün D.Babayev, AXCP üzvləri olan Musa Rahim və Elvin Baycanla birgə Nizami küçəsində Tofiq Səlimov adlı şəxsi təhqir ediblər, yüngül bədən xəsarəti yetiriblər. Buna görə D.Babayev noyabrın 24-də Nəsimi rayon Polis İdarəsinə aparılıb, barəsində xuliqanlıq maddəsilə cinayət işi qaldırılıb.
Müsavat Partiyası bu addımı D.Babayevin siyasi fəallığının qarşısını almaq üçün qaldırlılan cinayət işi adlandırır, iqtidarın siyasi fəalları müxtəlif üsullarla həbs etməsinə diqqət çəkir. Sənəddə son dövrlər iqtidarın aksiyalarda fəal olan gənclərə qarşı repressiyanı gücləndirməsini fəal gənclərin gözünü qorxutmaq, mübarizə əzmini zəiflətməyə səy kimi dəyərləndirir.
Müəlliflər müxalifət fəallarına qarşı belə repressiyaların istədiyi effekti verməyəcəyini bəyan edir, rəsmi Bakını D.Babayevin azadlığa buraxmağa və müxalif fəallara qarşı təzyiqlərə son qoymağa çağırır. -05D-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz