Mətbuat-Monitorinq 25.02.15

Rəsmi qəzetlər dövlət başçısı İlham Əliyevin Mingəçevir şəhərinə səfəri, bəzi obyekt və komplekslərin açılışında iştirakı barədə reportajı və baş nazir Artur Rəsizadənin “Şöhrət ordeni” ilə təltif olunması haqda sərəncamın mətnini ilk səhifədə yerləşdiriblər.   

“Azadlıq” qəzeti ölkədə dolların bahalaşması hadqa dövlət başçısı İlham Əliyevin Mingəçevirdəki açıqlamasını “Əliyevin soyğunçu qərarı dəstəkləməsi” kimi manjetə çıxarıb.

“Financial Times” manatın devalvasiyasını “utanverici” fakt adlandırır.

Manat dollara nisbətdə kəsin ucuzlaşandan sonra “Moodys” Beynəlxalq Reytinq Agentliyi fevralın 23-də Azərbaycanın bank aktivlərinin riskə məruz qalması barədə xəbərdarlıq edib.

Manatın ucuzlaşması ilə mağazalarda qiymətlərin kəskin bahalaşmasını, bəzi yerlərdə satışın dayandırılmasını ekspertlər “ölkədə ağır böhranın yaranması” kimi dəyərləndiriblər.

Dövlət büdcəsinin vəziyyətinin ağır olduğunu deyən ekspertlər buna manatın məzənnəsi məsələsində hökumətin daha da “irəli” gedə biləcəyi barədə xəbərdarlıq edirlər. 

Hüquq müdafiəçisi Rəsul Cəfərovun məhkəməsində dindirilən şəxslər zərərçəkmiş qismində tanınmalarına etirazlarını bildiriblər.   

AXCP sədrinin keçmiş müavini Razi Nurullayevin antipartiya açıqlamalarını qəzet “Razi Nurullayevin hakimiyyətə xidmətini leqallaşdırması” adlandırır.

“Ekspress”  manatın ucuzlaşması ilə bağlı qiymətləri süni şəkildə bahalaşdıranların cəzalandırılıcağı haqda dövlət başçısı İlham Əliyevin açıqlamasını “sərt xəbərdarlıq” kimi önə çəkib.

Ölkədə xərclərin artacağını yazan qəzet ekspertlərə isnadən qeyri-ərzaq mallarında bahalaşmanın daha çox olacağını nəzərə çatdırır.

Qəzet ölkədə bahalaşdırılan dərmanların qiymətlərinin əvvəlki səviyyəyə qaytarıldığını yazır.

“Exo” ölkədəki gender disbalansına qarşı mübarizə aparmaq üçün ailədə doğulan ikinci qız uşağına birdəfəlik 10 min manat həcmində pul vəsaitinin verilməsi məsələsi üzərində iş getdiyini önə çəkib.         

“Novoe Vremya”  parlament iclasında manatın ucuzlaşmasını müharibə ola bilməsi kimi “əsaslandırma”lara “müharibə hər şeyi siləcək?” ironiyasını diqqət mərkəzinə çəkib.

Qəzet küllü miqdarda rüşvətdə təqsirli bilinən keçmiş hakim Həsən Əliyevə dövlət ittihamçısının 10 il həbs cəzası istəməsini nəzərə çatdırır.

Manatın ucuzlaşmasından sonra gəlirlərin azaldığını, qiymətlərin artdığını yazan qəzet hökumətin ümidini yenə də nə zamansa neftin qiymətini artacağına  bağladığını qeyd edir. 

“Bizim yol”  dövlət başçısı İlham Əliyevin manatın ucuzlaşması ilə bağlı açıqlamasını ilk səhifədə yerləşdirib.

2011-ci ildə 4 il həbs cəzası alan, 2012-ci ildə azadığıa çıxan hüquq müdafiəsçisi Taleh Xasməmmədov kimisə döyməsi iddiası ilə fevların 24-də Göyçayda saxlanılıb.

“Yeni Müsavat”  Mili Məclis sədrinin manatın ucuzlaşmasını “müharibə ola bilər” ilə “əsaslandırmasını” “sensaion açıqlama və müharibə iqtisadiyyatına keçid” kimi dəyərləndirərək ilk səhifəyə çıxarıb.

2014-cü il dekabrın sonlarında 14 saylı həbsxanada dustaq Elşad Babayevin qətlinə etiraz edən məhkumların yaxınları bildiriblər ki, bu etiraza görə bir qrup dustağın əllərinə 4 qandal vurmaqla 10 gün karsda saxlayıblar.

Avropa Olimpiya Oyunları ilə bağlı rəsmi Bakının toy və yas mərasimlərinə qoyduğu qadağaya ekspetlər “bundan ən çox restoranlar və işbazlar qazanacaqlar, istənilən halda sadə vətəndaşlar əziyyət çəkəcəklər” şərhini veriblər.