Mətbuat-Monitorinq 25.06.15

Rəsmi qəzetlər öz səhifələrində Avropa Oyunları mövzusuna geniş yer veriblər. Azərbaycanı ağır ictimai-siyasi duruma görə tənqid edən Almaniyaya aid qəzetdə təhqir çalarlı yazı əksini tapıb.   

“Azadlıq” qəzeti AŞPA-da rəsmi Bakının əleyhinə qətnamə qəbul olunmasını “hakimiyyətin beynəlxalq aləmdə təklənməsi” kimi manjetə çıxarıb.

Qəzet diplomat Arif Məmmədovun “Cəmil Həsənliyə, Əli Kərimliyə, onların silahdaşlarına inanın” bəyanatı səsləndirməsinə diqqət çəkir.

“Azadlıq” qəzetinin rəhbərliyi qəzetin çapını dayandırmaq həddində olaraq oxucuları “qəzetin xilası” kampaniyasına qoşulmağa çağırır.

13 saylı həbsxanadakı siyasi dustaqlar ərzaqların saxlanması üçün soyuducu alsalar da rüşvət verilmədiyi üçün rəhbərlik soyuducunu həbsxanaya buraxmır.

Qəzet ölkə rəhbərlyinin səhvlərinə haqq qazandırmaq cəhdlərindən biri olan deputat Astan Şahverdiyevin “Azərbaycan heç yerə yox, özü özünə inteqrasiya edir və dünya bundan nümunə götürməlidir” kimi cəfəng ifadəsinə diqqət çəkir. 

“Ekspress”  Azərbaycanın 2 hərbçisinin itkin düşdüyünü yazaraq kiçik çavuşların Ermənistan sərhədində yolu azdıqlarını ehtimal edir.

Rəsmi Bakı şərhçiləri dünənə qədər təriflədikləri KTMT baş katibi Nikolay Bordyujanı indi “rüşvətxor və erməni nökəri” adlandırırlar.  

“Exo”  faşistlərin “hüquq müdafiəçisi” rolunda olmaları iddiasını önə çəkərək “Azərbaycana qarşı “qara piar” kanmpaniyasının arxasında kim durur?” sualını gündəmə gətirir.

“Novoe Vremya”  Yeravanda baş verən kütləvi hadisələri Ukraynadakı “Maydan”ın “surəti”nə bənzəməsini diqqət mərkəzinə çəkib.

Qəzet AŞPA-nın Azərbaycanla bağlı tənqidi sənəd qəbul etməsinə və hadisələrin sonrakı dinamikasına “sənəd qəbul edildi, bəs sonra...” sualı ünvanlayır.      

“Bizim yol”  AŞPA-nın Azərbaycanla bağlı qtənaməsinə Bakıdan kəskin etirazların olmasını ilk səhifəyə yerləşdirib.

Qəzet bank olmayan kredit təşkilatlarının kredit adı ilə bölgələrdə əhalini kölə halına salmasını “42%-lə kredit fermerə dəstəkdir, yoxsa, dəyənək?” sualı ilə gündəmə daşıyır.

“Yeni Müsavat”  Beynəlxalq Banka rəhbərlik uğrunda mübarizəni önə çəkərək iddiaçılar sırasında nazir müavininin kürəkəni olan şəxsin də olduğunu  bildirir. 

AŞPA-nın yay sessiyasında Azərbaycanla bağlı sənəddən “işğal” sözünün çıxarılmasını qəzet Azərbaycana qarşı prinsipsiz mövqe kimi dəyərləndirir.

Həbsdə olan hüquq müdafiəçisi Taleh Xasməmmədovun anası dövlət başçısına oğlunun saxta ittihamlarla məhkum olunmasına imkan verməmək müraciəti edib.

14 saylı həbsxanada dustaq olan Rauf Sultanov həbsxanada ona olan işçəncələrin araşdırılması üçün həbsxana rəhbərliyini məhkəməyə verib.