Mətbuat-Monitorinq 25.12.12

Rəsmi qəzetlər dövlət başçısı İlham Əliyevin Sumqayıta səfəri haqda yazırlar. 

“Azadlıq” qəzeti PA rəhbəri Ramiz Mehdiyevin seçkilərə kimi istefaya göndərilməsi planının işə salındığını yazaraq bunu Paşayevlərin “ondan üzülüşmək istəməsi” adlandırır. 

Qəzet saytlardan birinin AXCP sədri Əli Kərimlini 2013-cü il seçkilərindən kənarda saxlamaq üçün ona qarşı iqtidar tərəfindən yeni cinayətin başlanması xəbərini “yeni təxribat planı” adlandırır. 

Eks-prezident Əbülfəz Elçibəyin zəhərlənərək vəfat etməsi üzrə başlanmış cinayət işilə bağlı eks-prezidentin xanımı ifadə verib və cinayət işinin bağlanmasını tələb edib. 

Keçmiş rektor Elşad Abdullayev qardaşı Mahir Abdullayevin “girovluqdan azad olunması” məsələsində adı keçən Rövşanə adlı xanımla bağlı növbəti video yayımlayıb. 

Siyasi məhbuslar məsələsi üzrə məruzəçi Ştrasserin siyasi məhbus siyahısında 66 şəxsin adı keçir “Mur-Ay” tikinti şirkətinin həbsdə olan sədri Elxan Hüseynov ondan ifadə almaq üçün verilən işgəncələrdə PA rəhbəri Ramiz Mehdiyevin iki nümayəndəsinin iştirak etməsi haqda açıqlama yayıb. 

“Zerkalo” Gürcüstanın baş naziri B.İvanişvilinin Bakı-Tbilisi-Qars layihəsinə yenidən baxılacağı bəyanatından dekabrın 24-də keçirdiyi mətbuat konfransında faktiki imtina etməsini “Bakı ilə mübahisə etmək istəməməsi” adlandırır.

“Ekspress” yazır ki, dövlət başçısı İlham Əliyev “Pusiya 24” telekanalına müsahibəsində Kremlin “gömrük ittifaqı və vahid iqtisadi məkan” layihəsinə qoşulmamasını “elə bir xeyir görə bilməməsi” ilə izah edib.

“Exo”  ölkədə hər avtomobilin hərəkətinə 2,34 metr yol düşdüyünü yazaraq bunu Azərbaycan nəqliyyatının kollaps həddinə çatması kimi dəyərləndirir.  

  Rusiyada yetim uşaqların ABŞ-a övladlığa verilməsinə qoyulan qadağadan sonra bu tələbat başqa dövlətlər,  o cümlədən Azərbaycanın hesabına təmin ediləcək.   

“Bizim yol” Gürcüstanın baş nazirinin Bakı-Tbilisi-Qars dəmir yolu əleyhinə bəyanatını “Azərbaycanı şantaj” hesab edir. 

İqtisadi ekspertlər rəsmi Bakının BP-ni ölkəyə 8 milyard ziyan vurmaqda ittiham etməsini “iqtidarın iqtisadi uğursuzluğunu “BP-nin üstünə yıxmaq cəhdi” adlandırır. 

Ekspertlər nağdsız ödəniş sisteminin genişlənməsini kölgə iqtisadiyyatından, qanunsuz ödənişlərdən, gözlənilməz itkilərdən xilas olmaq kimi dəyərləndirirlər.    

“Yeni Müsavat”  yaydığı videolarla iqtidar daxilinə çaxnaşma salan keçmiş rektor Elşad Abdullayevə qarşı cinayət işi başlamaq adı ilə rəsmi Bakının onu Fransadan almaq üzərində işlədiyini yazır.  

Dekabrın sonuna nəzərdə tutulan əfv fərmanı ilə siyasi məhbuslar Şahin Həsənli və Vidadi İsgəndərli, eləcə də Nigar Yaqublunun azad ediləcəyi gözlənilir. 

AXCP və Müsavat partiyaları arasında yaşanan gərginlik üzündən İctimai Palatanın dağılma zamanının gəlməsi barədə xəbərdarlıq edilir.