Mətbuat-Monitorinq 25.12.13

Rəsmi qəzetlər dövlət baçısı İlham Əliyevin Yeni Ramana qəsəbəsində Sağlamlıq İmkanları Məhdud Gənclərin Peşə Reabilitasiya Mərkəzinin yenidənqurmadan sonra açılışında iştirakını ilk səhifəyə çıxarıblar. Bu qəzetlər Mərkəzi Bankın 2014-cü il üçün pul-maliyyə fəaliyyətinə dair bəyanatını dərc ediblər.

“Azadlıq” qəzeti dövlət başçısı İlham Əliyevin Bakı meriyasındakı çıxışında qaz, su və yanacaq üzrə dünyada ən aşağı tarifin Azərbaycanda olması barədə bəyanatını ölkədə bahalaşmanın anonsu sayaraq manjetə çıxarıb və 2014-cü ildən qaz, su və elektrik enerjisinin qiymətlərinin qaldırılacağı barədə xəbərdarlıq edir. 

Prezident Administrasiyasının keçmiş işlər müdiri, bu günlərdə 4 il azadlıqdan məhrum edilən Akif Muradverdiyev ona qarşı irəli sürülən qacaqmalçılıq ittihamını gülünc və ağlasığmaz adlandırıb. 

Dövət başçısı İlham Əliyevin baldızı Nərgiz Paşayevaya məxsus “AZURE” restoranında bu ilin aprelindəki dava-dalaşa görə həbs edilən general Bəylər Əyyubovun 2 qohumu və dostları dünənki apellyasiya şikayətinə baxışda ölkə məhkəmələrini “qərəzlİ, vicdansız və şərəfsiz” qərar çıxarmaqda ittiham ediblər.

Bakı metropoliteninin zərərlə işləməsi haqda dövlət başçısı İlham Əliyevin bəyanatını əsassız sayan ekspertlər metro stansiyalarındakı obyektlərin icarə haqlarının ildə metrpolitenə 11 milyon manatdan çox xeyir gətirdiyini bildirirlər. 

Maliyyə naziri Samir Şərifovun son 10 ili intibah dövrü adlandırmasına ekspertlər “son 10 il əhalinin sosial-iqtisadi durumunun yaxşılaşdırılmasına xidmət etməyib” mövqeyini ifadə ediblər.

“Zerkalo” İşgəncələr Əleyinə Komitənin hesabatına istinadən bu il komitəyə işgəncə ilə bağlı 116 şikayətin daxil olduğunu, bunun 6-nın qadınlara münasibətdə edildiyini, işgəncə nəticəsində 5 nəfərin həyatını itirdiyini nəzərə çatdırır.

“Ekspress”  “Binə” Ticarət Mərkəzində yanğında 20-dən çox dükanın yandığını qeyd edir. 

Ukraynanın Luqansk şəhərində fəaliyyət göstərən iş adamı Vidadi Məmmədov həyat yoldaşı ilə birgə evində güllələnərək qətlə yetirilib.

“Exo”  ekspertlərə istinadən ölkədəki yol-nəqliyyat hadisələrinin 70%-nin ictimai nəqliiayt vasitələri sürücülərinin payına düşdüyünü yazır.

“Novoe Vremya” Avropa Birliyinin Azərbaycana münasibətdə bir tərəfdən əlaqələri inkişaf etdirmək, digər tərəfdən ölkənin demokratik prinsiplərə əməl etməsi  mövqeyi istəməsini “davadan sonra yumruq göstərmək” kimi  dəyərləndirir.  

“Bizim yol” qəzeti 10-larla dükanın yanmasına səbəb olan “Binə” Ticarət Mərkəzindəki yanğını ilk səhifəyə çıxarıb. 

Ekspertlər uşaq doğumu zamanı ölümə səbəb olan əsaslardan biri kimi də rüşvət verilməməsini göstərirlər. Ölkə ekspertləri 2014-cü ildə əhalinin kommunal xidmətlər sahəsində yüksək qiymət artımı ilə üz-üzə qalacağı xəbərdarlığını ediblər.

“Yeni Müsavat”  dövlət başçısının şəxsi mühafizə xidmətinin rəhbəri Bəylər Əyyubovun qohumlarının barəsində həbs qərarını Bakı Apellyasiya Məhkəməsinin qüvvədə saxlaması haqda xəbəri ilk səhifəyə çıxarıb.  

Media Hüququ İnstitutu rəsmi qurumların “on-line şəffaflığı” göstəricilərinin cəmi 31% təşkil etdiyini açıqlayıb.