![Azərbaycanda qeyri-dövlət pensiya fondları yaradılacaq](https://turan.az/resized/media/2013/main/122600063409-750-500-resize.webp)
Azərbaycanda qeyri-dövlət pensiya fondları yaradılacaq
Dövlət Sosial Müdafiə Fondu (DSMF) Aİ-nin dəstəyi ilə qeyri-dövlət pensiya fondlarının fəaliyyətini tənzimləmək üçün normativ baza hazırlayacaq.
DSMF sədri Elman Mehdiyev bildirib ki, twinning-layihə çərçivəsində real yığım elementi inkişaf edəcək və qeyri-dövlət pensiya fondları yaradılacaq "Layihənin reallaşdırılması ilə ölkəmizdə dövlət pensiya təminatı sistemində real yığım komponentinin və qeyri-dövlət pensiya institutlarının fəaliyyətini tənzimləyəcək təkmil normativ hüquqi baza hazırlanacaq. Bu əsasda məcburi dövlət sosial sığortası ilə yanaşı könüllü sosial sığortanın inkişafı vətəndaşların pensiya təminatının gücləndirilməsinə əlavə imkanlar yaradacaq", deyə Fondun rəhbəri düşünür.
Onun sözlərinə görə, əmək pensiyalarının yığım hissəsi sığortaolunanların fərdi hesablarında real pensiya kapitalının toplanmasını, şəxsin pensiya yaşı tamam olana qədər bu vəsaitin idarə olunaraq artırılmasını və qanunvericiliklə müəyyən olunmuş qaydada pensiya təminatına yönəldilməsini ifadə edir. Bu baxımdan dövlət pensiya sistemində yığım komponentinin, eləcə də qeyri-dövlət pensiya institutlarının fəaliyyətinin təşkil olunmasının ölkənin investisiya, maliyyə və qiymətli kağızlar bazarında müxtəlif maliyyə alətlərinin tətbiqinin inkişafını, bu sahədə etibarlı nəzarət və gəlirə zəmanətlilik səviyyəsinin əldə edilməsini qabaqlamadan yerinə yetirilməsi vacib şərtdir.
Digər tərəfdən, pensiya ödənişi göstəricilərinə uyğun olmayan aşağı sosial sığorta normativlərinin tətbiqi şəraitində həmin komponentin reallaşdırılması məqsədilə mövcud məcburi dövlət sosial sığorta normativindən hər hansı hissənin ayrılması sistem üçün əlavə büdcə kəsiri yaradır. Bu məqsədlə əlavə normativin tətbiqi isə əmək bazarının iştirakçılarının mənafeyinə uyğun gəlmir.
E.Mehdiyev hesab edir ki, qeyd olunan suallara aydınlıq gətirmədən sığortaolunanların fərdi yığım hesablarının formalaşdırılması, real yığım vəsaitlərinin idarə olunması və bu sistemdən əldə edilən gəlirlərin fərdi uçot əsasında pensiya təminatına yönəldilməsi mexanizminin qurulması çox risklidir.
Mehdiyev bildirib ki, hazırda İqtisadi Əməkdaşlıq və İnkişaf Təşkilatının 34 üzv ölkəsindən 25 ölkədə bölüşdürücü-həmrəylik, 11 ölkədə məcburi yığım, 9 ölkədə könüllü yığım sistemləri fəaliyyət göstərir. --17D—
-
- Cəmiyyət
- 25 Dekabr 2013 11:07
-
- İqtisadiyyat
- 25 Dekabr 2013 11:39
İqtisadiyyat
-
Azərbaycanda unun qiymətində artım müşahidə olunur. Mayda 50 kiloqramlıq un kisəsinin qiyməti 25-26 manat idisə, hazırda o, 29 manata qədər yüksəlib. Unun qiymətində artım Dövlət Statistika Komitəsinin (DSK) məlumatında da əks edilib.
-
Azərbaycan və İsrail yaşıl enerji sahəsində əməkdaşlığın inkişaf etdirilməsi ilə bağlı müzakirələrə başlayıb, bu barədə Azərbaycanın energetika naziri Pərviz Şahbazov “X” sosial şəbəkəsində bildirib.
-
Azərbaycan Respublikasının Milli Məclisi alkoqollu içkilərin, xüsusilə də arağın istehsalı və idxalının tənzimlənməsinin gücləndirilməsi məqsədi ilə ölkənin “Qida təhlükəsizliyi haqqında” qanuna mühüm dəyişikliklər edib. Prezident İlham Əliyev tərəfindən ratifikasiya edilmiş düzəlişlər hökumətin əhalinin sağlamlığının qorunması və maliyyə hesabatı standartlarına sadiqliyini əks etdirən ciddi təhlükəsizlik və iqtisadi meyarlarını təmin etmək məqsədi daşıyır.
-
Azərbaycan Nazirlər Kabineti donor orqan transplantasiyasını həyata keçirmək hüququ olan ixtisaslaşmış tibb müəssisələrinin siyahısında dəyişiklikləri təsdiqləyib. Azərbaycan Konstitusiyasının 119-cu maddəsinin səkkizinci bəndini rəhbər tutaraq dəyişikliklər baş nazir Əli Əsədovun imzaladığı 337 və 338 nömrəli qərarlarda elan edilib.
Azərbaycanda növbəti devalvasiya gözlənilir? – Natiq Cəfərli Çətin sualda
Xəbər lenti
-
- Cəmiyyət,
- 11:00
- 72
Rəy yaz