“Azadlıq” qəzeti İlham Əliyevin Xorvatiyaya səfərinə görə Avropa İttifaqı üzvlüyünün astanasında olan Xorvatiya hökumətinin birlik ölkələri tərəfindən qınağa məruz qaldığını manjetə çıxarıb.
Xidmət etdiyi hərbi hissədə qolu sındığına görə hospitala yerləşdirilən keçmiş deputat Gülər Əhmədovanın oğlu Toğrul Əhmədova görə bir əsgər yoldaşının həbsə alındığı, onun iki əsgər yoldaşı tərəfindən döyüldüyü bildrilir.
Kənd təsərrüfatı naziri İsmət Abbasovun oğlu Yunis Abbasovun Londonla yanaşı İstanbulda da mülk alması aşkarlanıb.
Dünyanın 11 hüquq- müdafiə təşkilatı insan hüquqları baxımından mart ayını Azərbaycan üçün “məhvedici” adlandırıblar.
Politoloq Hikmət Hacızadə əmək kollektivlərinin kütləvi etirazlarını “əhalidə iqtidara əsəbilik və nifrətin artması” kimi şərh edib.
Müstəqil iqtisadi ekspertlər əhalinin gəlirlərinin artması barədə Statistika Komitəsinin hesabatının “reallığı əks etdirmədiyini” bildiriblər.
“Yeni Müsavat” Korrupsiyaya Qarşı Mübarizə İdarəsinin Baş Prokurorluqdan alınmasını manjetə çıxarıb. Qəzetə görə, bu addım nazir korpusunun baş prokurora ən xırda məmuru həbs etməyə imkan verməməsilə bağlıdır.
Hazırda istintaq altında olan keçmiş deputat Gülər Əhmədovanın oğlu Toğrul Əhmədovun hərbi hissədə qolunu sındırmasına qəzet “keçmiş deputatın oğlu ilə cəzalandırılması” mövqeyini ifadə edir.
Siyasi ekspertlər iqtidar- müxalifət münasibətlərinə toxunaraq iqtidarın danışıqlara hazır olduğunu, yaxın vaxtlarda bu addımın atılacağı və başqa variantın olmadığı şərhini veriblər.
Cəmiyyət
-
Fazil Qasımov, tanınmış alim Qubad İbadoğlu ilə birlikdə saxta pul hazırlamaqda ittiham olunan Azərbaycanlı iqtisadçı, iş üzrə digər təqsirləndirilən şəxs Anar Əliyevin, hüquq komandasını buraxmazsa, onu öldürməklə hədələdiyini iddia edib.
-
Bazar günü, yanvarın 26-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, gün ərzində bəzi yerlərdə arabir çiskinli yağış yağacağı gözlənilir. Şimal-qərb küləyi əsəcək.
-
Azərbaycanın İnformasiya və Kommunikasiya Texnologiyaları Agentliyi (İKTA) ölkədə fəaliyyət göstərən internet provayderlərinin (İSP) son reytinqini açıqlayıb. Reytinqdə provayderlər iki əsas meyara — istehlakçı şikayətlərinin sayına və müraciətlərə cavab vermə sürətinə görə qiymətləndirilib. Nəticələr isə ölkənin İSP-ləri arasında keyfiyyət baxımından ciddi fərqləri üzə çıxarıb.
-
“Azercell Telekom” MMC və ADA Universiteti Fondunun əməkdaşlığı çərçivəsində həyata keçirilən “İdeya İnkubasiyası Proqramı”nın növbəti mərhələsi start götürüb. Ötən ildən etibarən uğurla davam edən bu proqram Azərbaycanın startap ekosisteminin gücləndirilməsinə, gənc mütəxəssislərin İT və İKT sahələrində inkişafına dəstək olmaq məqsədini daşıyır. Bu il “İdeya İnkubasiyası Proqramı”nda tələbələrdən ibarət 10 komanda birincilik uğrunda yarışacaq.
Rəy yaz