Rəsmi və iqtidaryönlü qəzetlər yenidən dövlət başçısı postunda qalan Ilham Əliyevin MDB dövlət başçılarının sammitində iştirak etmək üçün Belarusa səfərini ilk səhifərlərə çıxarıblar.
“Azadlıq” qəzeti Azərbaycandakı prezident seçkilərini müzakirə edən Böyük Britaniya parlamentinin bu seçkilərdən “dəhşət”ə gəldiyini yazır, parlament seçkiyə müsbət rəyə görə Avropa Şurasını ittiham edib.
ABŞ-ın “Vaşinqton Post” qəzetinin açıqladığı “dünyanın ən böyük rüsvayçılıqları” sırasında Azərbaycandakı prezident seçkiləri ikinci yeri tutur.
Azərbaycanın birmənalı olaraq “ya Qərb, ya MDB” seçimi önündə qaldığını deyən ekspertlər bunu “balanslı siyasət”in sonu sayırlar.
Saxta seçkidən dərhal sonra İlham Əliyevin Belarus səfərinə prezidentliyə namizəd Cəmil Həsənli “belə qələbə”dən sonra ancaq Minskə getmək olardı” mövqeyini ifadə edib.
Seçki ekspertləri Azərbaycanda prezident seçkilərinin nəticələrinə dair ATƏT-in yekun hesabatının daha sərt olacağı barədə bəyanat veriblər.
Azərbaycanda prezident seçkilərinin nəticələrinə mənfi mövqeyinə görə rəsmi Bakının “Avropa Parlament Assambleyasında fəaliyyətini dondurmasına ekspertlər “iqtidar maraqlarının dövlət və Qarabağ marağından üstün tutulması” kimi şərh ediblər.
“Ekspress” təhsillə bağlı yeni strategiyanın təsdiq edilməsinə toxunaraq bunu “12 illik təhsilə keçidin qanuniləşməsi” adlandırır.
Qəzet ekspertlərə istinadən Azərbaycanda saatların irəli-geri çəkilməsilə “qış-yay vaxtı”na keçilməsi prosesinin hər 5 insandan birinə mənfi təsir göstəridiyini bildirir.
Belarus “batka”sı Lukaşenkonun MDB dövlət başçılarının sammitində səsləndirdiyi “suverenitet ikona deyil” bəyanatını ekspertlər “dövlət müstəqilliyini itirməyə təhlükəli çağırış” kimi dəyərləndiriblər.
“Exo” ekspertlərə istinadən ölkədə effektli idarəetmə nəticəsində rayonların sayının 20-yə qədər azaldılmasının səmərəli olacağını proqnozlaşdır.
Ekspertlərə görə, Avropa standartları qəbul edildiyi halda Azərbaycanda mənzil tikintisinin maya dəyəri 20% bahalaşa bilər.
“Novoe Vremya” prezident seçkilərilə bağlı Almaniya kansleri Merkelin İlham Əlyevi “demokratik hüquqi quruculuq siyasətini davam etdirməsi” məzmunlu təbrikinə təəccüb və narazılığını “Frau Merkel, demokratiya Azərbaycanın harasında yetişib?” sualı ilə ifadə edir.
ABŞ ilə Azərbaycan arasında münasibətlərin gərginləşməsinə qəzet “Vaşinqton-Bakı: yeni “soyuq müharibə” yoxsa, köhnə geostrateji oyunlar?” mövqeyini sərgiləyir.
“Bizim yol” ölkədə işsizlər üçün ayrılan müavinətlərin 100 milyon manatının mənimsənildiyini iddia edir.
Hərbi ekspert Üzeyir Cəfərli Baş Qərargah rəisi Nəcməddin Sadıxovun haqqında məsələlər açıqlanandan sonra keçmiş müdafiə naziri Səfər Əbiyevə və digər generallara xalqın “rəhmət oxutduracağını” bəyan edib.
“Yeni Müsavat” ABŞ-ın Bakıya qarşı “seçki savaşı”nı böyütdüyünü yazaraq İlham Əliyevin Minsk səfərinin səbəblərindən biri kimi Qərbin “pressinq siyasəti”ni göstərir.
Qəzet Azərbaycanda prezident seçkilərində rəsmi Balkı ilə əməkdaşlıqda olmuş AŞPA deputatlarını ifşa edəcək faktların müxalifətin əlinə keçdiyini, Milli Şuranın bu sənədləri ortaya qoyacağını yazır.
“Meşə qardaşları” dini birliyi Azərbaycanda şiələrə qarşı mübarizəyə çağırış edib, çağırış təşkilatçıları ilk növbədə tanınmış din xadimi Hacı Şahin Həsənlini qətlə yetriməyi hədəf seçiblər və şiələrin çoxluğuna görə Azərbaycanı “İran şeytanları ölkəsi” adlandırırlar.
Prokurorluq qanunsuz neft daşıyan “Naftalan” tankerilə bağlı aparılan istintaq işini şərh etmir, “Xəzərdənizgəmiçiliyi”ndə isə gizli neft daşımaları araşdırılır.
Cəmiyyət
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
-
Yanvarın 29-da Azərbaycanda bələdiyyə seçkiləri keçirildi. 118 dairə üzrə seçkilərdə 16 mindən çox namizəd iştirak etdi. Mərkəzi Seçki Komissiyasının (MSK) saytında artıq lider namizədlərin adları açıqlanıb. Seçkidən saatlar sonra isə MSK sədri Məzahir Pənahov brifinqdə bildirmişdi ki, 685 bələdiyyənin 413-ü artıq formalaşmış hesab edilir, lider namizədlərin sayı 7 min 791 nəfərdir. Onun sözlərinə görə, bütün dairələrdə seçkilər normal keçib və rəhbərlik etdiyi quruma heç bir şikayət daxil olmayıb. Halbuki, müstəqil namizədlər və ekspertlər seçkilərin gedişatında pozuntuların olduğunu deyirlər.
Rəy yaz