Rəsmi qəzetlər dövlət başçısının Dünya azərbaycanlılarına təbrik məktubunu və “Rusiya 24” telekanalına müsahibəsini, Sumqayıt şəhərinin sosial-iqtisadi inkişafı üçün 3 milyon manatın ayrılması haqda sərəncamının mətnini dərc ediblər.
“Azadlıq” qəzeti rəsmi Kremlin müxtəlif birliklər adı ilə SSRİ-ni bərpa etmək səylərinə Avropa Birliyinin sərt təpki göstərəcəyi barədə xəbərdarlığını önə çəkib.
Qəzet Deputat Qüdrət Həsənquliyevin Gürcüstanın baş nazirinə işarə ilə “bu adamın ağzının üstünə tərs sillə vurmağın zamanı çatıb” bəyanatının “diplomatik qalmaqala səbəb olacağını” bildirir.
Tovuz rayonunun Əlimərdanlı kənd məscidinin içində Heydər Əliyevə büst qoyulması kimi əcaib bir hal yaşanır.
Keçmiş rektor Elşad Abdullayevin video-yayımlarında yer alan hakim Ağababa Babayevin barəsində Məhkəmə-Hüquq Şurasının araşdırmaları davam edir.
Azərbaycanlı məmurların Qərbə çıxışlarına sanksiya tətbiq edilə biləcəyini yazan qəzet həbsxanada vəfat edən Talış Mədəniyyət Mərkəzinin mərhum rəhbəri Novruzəli Məmmədovun işində adları keçən hakim, müstəntiq, ədliyyə əməkdşlarının bu məqsədlə siyahısının hazırlandığını yazır.
“Zerkalo” rəsmi Bakının “balanslı siyasət”i ilə hesablaşmadıqları üçün İran və Rusiyanın “kimi seçmək” məqsədilə Azərbaycana təzyiq etdiklərini yazarq Azərbaycanın etibarsız qonşuların əhatəsində olduğunu bildirir.
Bu il dəm qazından zəhərlənmə ilə bağlı 450 vətəndaş xəstəxanalara aparılıb. 2011-ci ildə bu rəqəm 350 olub.
“Ekspress” son 7 ildə Azərbaycanda boşanmaların 5%-dən 10 %-ə qədər artmasılna diqqəti çəkir.
“Exo” ekspertlərə istinadən “21 dekabr qiyamət günü” ilə bağlı ehtiyat toplanması üçün azərbaycanlıların təqribən 30 milyon manat xərclədiklərini yazır.
“Novoe Vremya” son vaxtlar rəsmi Tbilisinin Bakı-Tbilisi-Qars dəmir yolu çəkilişinin əleyhinə olan açıqlamalarına “Bakı ilə Tbilisi arasındakı strateji “dostluq laxlanmağa hazırdır?” mövqeyini ifadə edir.
“Bizim yol” Rusiyadan yüz minlərlə azərbaycanlının deportasiyasına hazırlıq getdiyini, RF-nin Azərbaycan səfirliyinin bu məsələ önündə aciz qaldığını, rəsmi Bakının hər hansı açıqlama vermədiyini nəzərə çatdırır.
“Yeni Müsavat”. Yol qəzasına görə həbs edilən gənc müsavatçı NigarYaqublunun adının gözlənilən əfv siyahısına salınmayıb.
Qəzet rəsmi Tbilisinin Azərbaycan əleyhinə açıqlamalarını “Gürcüstanın Rusiyaya tərəf irəliləməsi və Kremlin Bakını Tbilisinin əlilə sıxmaq istəməsi” adlandırır.
Nəqliyyat Nazirliyinin bir-birini təkrarlayan xətləri gələn ildən daha sürətlə davam etdirəcəyini yazan qəzet bunu “yeni ilin marşrut qiyaməti” adlandırır.
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz