Raffi Ovannisyan: Ermənistan yoxsulluğa yuvarlanır

“İrs” partiyasının lideri və Ermənistanın keçmiş XİN rəhbəri Raffi Ovannisyan bu gün bəyanatla çıxış edərək, Ermənistanın “yoxsulluğa və ümidsizliyə yuvarlandığını” bildirib

“Göz önündədir ki, Ermənistanın mədən sənayesinin inkişafı dövlət maraqlarına uyğun deyildi və daha çox böyük həcmdə sərvət toplamış imtiyazlı təbəqənin maraqlarına xidmət edirdi, bir halda ki, ölkəmiz yoxsulluğa və ümidsizliyə yuvarlanır”, deyə bəyanatda bildirilir.

Biz dövlət maraqları adı ilə böyük pozuntulara yol verilməsinin, tarixi abidələrin və ekoloji sistemin məhv edilməsinin şahidi olduq. Göl və sıx meşələrin əvəzinə biz təhlükəli tullantılarla əhatə olunmuşuq. Vətənimiz zəhərlənir”, deyə bəyanatda bildirilir.

Ovannisyan tələb edir ki, Ermənistanın təbii sərvətlərinin durmadan istismarına son qoyulsun.

Xüsusən, o, Ermənistan və Gürcüstan sərhədində mis və molibdenlə zəngin Texut yatağının işlənməsi zamanı 60 ha meşənin kəsildiyini xatırladır. Ekoloqlar və ekspertlər hesab edir ki, bu yataqda metalların emalından filiz qalıqları Ermənistanda ən iri qalıqlar olacaq və bərpası mümkün olmayacaq dərəcədə zəhərlənmiş torpaqların həcmi milyonlarla ton olacaq.

Ermənistan hökuməti 25 il ərzində bu yataqdan yarım milyard dollar dəyərində mis və molibden çıxarmağı planlaşdırır. -02D-