Mətbuat-Monitorinq 27.04.15

Rəsmi qəzetlər dövlət başçısı İlham Əliyevlə Fransa prezidenti Olland arasında görüşə, Azərbaycan-Fransa Universitetinə dair niyyət məktubunun imzaalanması haqda xəbərləi ilk səhifələrdə yerləşdiriblər. 

“Azadlıq”  ölkədə ixtisarların yeni dalğasının başlamasını manjetə çəkərək “Azəryolservis” və metropolitendə işçilərin kütləvi şəkildə işdən çıxarıldıqlarını yazır.

Siaysi həyata toxunan qəzet Almaniyanın “Der Tagesspiegel” qəzetinin Azərbaycandakı siyasi repressiyalarla bağlı məqalə dərc etdiyini bildirir.   

Fransanın “Le Monde“ qəzetinə isnadən Fransa prezidenti Ollandın Bakı səfərində həbsdə olan hüquq müdafiəçəsi Leyla Yunusun məsələsinin  müzakirə edildiyi və Əliyev rejiminin ölkəni 20 ildir ki, “dəmir əl ilə idarə etməsi” haqda yazır.

Qəzet “erməni soyqırımı”nı tanıdğına görə Avropa Parlamentini “ermənipərəst” adlandıran rəsmi Bakının RF prezidenti Putinin bu hadisələri “genosid” adlandırması” önündə susmasına diqqət çəkir.

Avropa İttifaqının may ayında Riqada keçiriləcək “Şərq tərəfdaşlığı” toplantısını Kremlin hədə-qorxusuna politoloqlar bunu qəzetə “hədə önündə bu ölkələr geri çəkiləcəksə hədələr daha da artacaq” kimi şərh ediblər.    

Ölkədəki böhranlı durumu müzakirə edən Milli Şura aksiyalara ara verildiyi halda “növbəti devalvasiyanın qaçılmaz olacağı” bəyanatını səsləndirib.

Qəzet ekspertlərin ölkədəki iqitisadi durumu “ölkənin iqtisadi tənəzzül mərhələsinə qədəm qoyması” kimi dəyərləndirdiklərini bildirir.

“Yeni Müsavat” Fransa prezidenti Ollandın 1915-ci il hadisələrinə  Yerevanda “erməni soyqırımı” deməsini, Qarabağın erməniləri işğal etməsinə isə  Bakıda “işğal” deməməsini ön plana çıxarıb.  

Qəzet diqqəti ABŞ-ın Azərbaycanla bağlı bəyanatlarına kəskin cavab verən rəsmi Bakının Azərbaycanın iştirakçısı olduğu Avropa İttifaqının may ayında Riqada keçirilməsi gözlənilən “Şərqi tərəfdaşlığı” toplantısına Rusiyanın hədələri önündə  3 gündür ki, susmasına yönəldir.

Qəzet Avropada mühacir həyatı yaşayan separatçı Əlikram Hümbətovun 1915-ci il hadisələrini “soyqırım” adlandıraraq ermənilərə başsağlığı verməsinə talış ziyalılarının sərt etiraz etdiklərini nəzərə çatdırır.