Mətbuat-Monitorinq 27.05.15

Rəsmi qəzetlər dövlət başçısı İlham Əliyevin “Dalğa Beach-Aqua Park” ailəvi istirahət mərkəzinin açılışında iştirakı haqda xəbərləri ilk səhifələrdə yerləşdiriblər.

“Azadlıq” qəzeti  Şıx sahilində qanunsuz tikilən villaların arxasında “elə- belə adamların olmaması haqda Bakı Şəhər İcra Hakimiyyətinin başçısı Hacıbala Abutalıbovun bəyanatına cavab olaraq “sökülən villalar kimindir?” sualını ilk səhifəyə çıxarıb.

28 may günü ilə bağlı ABŞ prezidenti Obamanın İlham Əlievə təbrikini siyasilər “ABŞ-ın yalnız demokratiyanı dəstəkləyəcəyi” mesajı hesab edirlər.

Qəzet müxalif siyasilərin xalqı Milli Şuranın 30 may mitinqində iştiraka təşviq etmələrini nəzərə çatdırır.  

Dövlət Bayrağı Meydanının həbdə alınan keçmiş rəisi Rəşad Məmmədov  istintaqda “Azərenerji” rəhbəri Etibar Pirverdiyevin əleyhinə 10 milyon manatlarla ölçülən maxinasiyalar haqda ifadə verib.

Son vaxtlar iş adamlarının kütləvi həbsinə toxunan ekspertlər faktına “bir neçə nəfərin həbsinin minlərlə adamı işsizə çevirməsi” rəyini veriblər.

“Ekspress”  Bakı Şəhər İcra Hakimiyyətinin başçısı Hacıbala Abutalıbovun Bakının Şıx sahilində qanunsuz tikilən villa sahiblərinə “onların arxasında elə-belə adamlar durmayıb” bəyanatını diqqət mərkəzinə çəkib.

Qəzet Kürdəmirdə iş adamı olan qadının öz evinin önündə 22 bıçaq zərbəsilə qətlə yetirildiyini nəzərə çatdırır.   

“Exo”  bələdiyyə idarəetməsinin özünü doğrultmadığı və üzərinə qoyulan funksiyanı yerinə yetirə bilmədiyi üçün ləğv olunmasının zəruriliyi haqda ekspertlərin şərhini ön plana çəkib.

“Novoe Vremya”  Azərbaycanın Qərbə qaz nəqli məsələsinə mənfi mövqeyini “Qərbin qaz oyunlarından Azərbaycanın qazandığı nə olur?” sualı ilə ilk plana çıxarır.

“Bizim yol”  Bakıda yanğınlara səbəb olan binaların üzlüklərinin üzlənməsi üçün 100 miylonlarla maliyyə vəsaitinin məmur şirkətlərinə tendersiz verilməsini ilk səhifəyə yerləşdirib.

Milyardlarla kredit borcuna görə ətrafında qalmaqal yaşanan Beynəlxalq Bankın sonrakı taleyinə ekspertlər “dövlət bankının nə özəlləşdirilməsi mümkündür, nə də qurum öhədliklərini yerinə yetirə bilir” şərhini veriblər.

“Yeni Müsavat”  Dövlət Bayrağı Meydanının həbsdə olan keçmiş rəisi Rəşad Məmmədovun “Azərenerji” başçısı Etibar Pirverdiyyev əleyhinə ifadə verməsini manjetə çıxarıb.

Qəzet Binəqədidə kütləvi insan ölümü və xəsarətilə müşayət edilən yanğında yanan binanı deputat Ağalar Vəliyevə aid şirkətin təmir edəcəyini bildirir.

Bakı Şəhər İcra Hakimiyyətinin başçısı Hacıbala Abutalıbov qəzetə açıqlamasında Şıx sahilində qanunsuz villa tikənlərə mane ola bilməməsini “ bu şəxslərin arxasında müəyyən güclərin olması” ilə izah edib.

Baş nazirin müavini Abid Şərifovun jurnalistlərə kobud davranışını media təmsilçiləri “hökumətin mediaya münasibətinin sübutu” və “öz vəzifəsini başa düşməyən məmurun hələ də vəzifədə oturmasının qəribəliyi” kimi şərh ediblər.

Qəzet yaxınlarına isnadən əsgər Tapdıq Babaşovun mayın 22-də baş verən ölümünün qətl olmasını Fövqəladə Hallar Nazirliyinin də təsdiq etdiyini bildirir.