Rəsmi və iqtidaryönlü qəzetlər dövlət başçısı İlham Əliyevin qəbulları haqda yazırlar.
“Azadlıq” qəzeti neft pullarını dağıtmaq üçün hər oliqarxa bir layihənin ayrıldığını yazaraq bunu “iqtidarın seçkidən sonra talançılığa hazırlaşması” kimi adlandırır.
Prezident seçkiləri ilə bağlı İctimai TV-dəki debatda Milli Şuranın prezidentliyə namizədi C.Həsənli dövlət başçısı İlham Əliyevi ölkənin “baş monopolisti” adlandırıb.
Türkiyədə yaşayan azərbaycanlılar xalqa “Cəmil Həsənliyə səs verməklə ölkəni yanlış yol, təhlükə dolu gələcəkdən xilas edə biləsrsiniz” çağırışını ediblər.
Prezidentliyə namizəd C.Həsənlinin mətbuat xidmətinin rəhbəri Oqtay Gülalıyevin evinə basqın edən polislər zorla oğlundan ifadə almaq istəyiblər.
Tanınmış ədəbiyyatşünas Kamil Vəli Nərimanoğlu AXCP sədri Əli Kərimlinin oğlu Türkel Kərimlinin həbsinin arxasında birbaşa dövlət başçısı İlham Əliyevin durması barədə bəyanat səsləndirib.
Məmurların maşınlarının illik xərcləri 400 milyon dollar təşkil edir. Ekspertlər “bu səhiyyə büdcəsinin 70%-i, təhsil büdcəsinin isə 40%-i deməkdir” şərhini verivlər.
“Zerkalo” Mərkəzi Seçki Komissiyasının seçki qanunvericiliyinin tələblərinin pozulması haqda xarici radiolara xəbərdarlıq etməsinə, amma prezidentliyə namizəd “balıq Hafiz” və digər etikadankənar əməllərə münasibət ifadə etməməsinə ironiya ilə “fili isə MSK-da “görməyiblər” mövqeyini sərgiləyir.
“Ekspress” yazır ki, təhsil naziri Mikayıl Cabbarov müəllimlərin maaşlarının azlığından şikayət edib və bütün direktorların eyni maaşı almasını doğru saymayıb.
“Novoe Vremya” “İctimai” TV-dəki debatlarda Milli Şuranın prezidentliyə namizədi Cəmil Həsənlinin dövlət başçısı İlham Əliyevi “Azərbaycanı özəl holdinqə döndərməsi” ittihamına məqruz qoymasına diqqət çəkir.
“Bizim yol” prezidentliyə namizədlərin teledebatında Milli Şuranın prezidentıliyə namizədi Cəmil Həsənlinin YAP tərəfdən həbslə, “balıq Hafiz” tərəfindən ölümlə hədələnməsinə “namizədlərin debatında növbəti qalmaqal” şərhini verir.
Qəzet 50 milyon manat kapitalı olmayan 7 bankın gələn ilin yanvarından fəaliyyətinə xitam veriləcəyini bildirir.
“Yeni Müsavat” prezident seçkiləri ilə bağlı teledebatda İlham Əliyevin nümayəndəsinin Milli Şuranın namizədi Cəmil Həsənlini həbslə hədələməsini “iqtidarın seçkidən sonrakı repressiyasının anonsu” kimi dəyərləndirir.
“Meydan” TV kənd təsərrüfatı naziri İsmət Abbasovun oğlu Yunis Abbasovun Londonda yeni mülklərinin aşkarlandığını bildirir.
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz