AŞPA-nın hesabatında Azərbaycan korrupsiya faktları açıqlanıb
Avropa Şurası Parlament Assambleyasının (AŞPA) Hüquqi Məsələlər və İnsan Haqları üzrə Komissiyasının növbəti hesabatı yayılıb. “Korrupsiya: qanunun aliliyinə təhlükə” adlı hesabat, Avropa üçün liberalların və demokratların ittifaqının (ALDE) üzvü Mailis Repsin məruzəsi əsasında hazırlanıb.
Estoniyanın millət vəkili olan məruzəçi Reps hazırladığı 63 maddəlik qətnamə layihəsində Avropa Şurasına üzv ölkələrdəki korrupsiyaya qarşı mübarizə və korrupsiyanın hazırkı vəziyyəti barədə ətraflı məlumat verib.
Hesabatın 34-cü maddəsi bütövlükdə “Gülərgeyt” qalmaqalına həsr olunub, Prezident Administrasiyasının rəhbəri Ramiz Mehdiyevin bu rüşvət qalmaqalında iştirak etdiyi qeyd olunub.
25 sentyabr 2012-ci ildə Youtube saytında yayımlanan videoda keçmiş deputat Gülər Əhmədovanın Azərbaycan Beynəlxalq Universitetinin rektoru Elşad Abdullayevdən Ramiz Mehdiyevin adından millət vəkili kürsüsü üçün 1,3 milyon dollar tələb etməsi də hesabatda öz əksini tapıb.
Hesabatın 24-cü maddəsində isə Transparency İnternationalın 2012-ci ilə dair yeni yaydığı “Korrupsiya Qavranma İndeksinə istinadən reytinq sıralanmasıyla Ermənistan (105), Albaniya (113), Rusiya (133), Azərbaycan (139) və Ukrayna (144) olmaqla sadəcə 5 Avropa Şurası üzv ölkəsi ilk 100-lükdən kənarda qaldığı göstərilir.
Hesabatın 30-cu maddəsində Azərbaycanla bağlı daha bir sıra korrupsiya faktlarına toxunularaq ölkənin məhkəmə və hüquq mühafizə orqanlarındakı korrupsiyadan danışılıb və AŞPA-nın Azərbaycan üzrə siyasi məhbuslarla bağlı məruzəçisi olmuş Kristofer Ştrasserin hesabatına istinadla jurnalist Fərəməz Novruzoğlunun hakimiyyət nümayəndələrinin müxtəlif korrupsiya faktlarıyla bağlı məqalələr dərc etdikdən sonra həbs olunduğu ifadə edilib.
36-cı maddədə isə Azərbaycan nümayəndə heyətinin Avropa Şurası və AŞPA daxilində apardığı kürü diplomatiyasına toxunularaq ölkədəki insan haqları, siyasi məhbuslar üzrə hazırlanmış hesabatlara qarşı istifadə olunan növbəti korrupsiya əməli olaraq diqqətə çatdırılır.
Növbəti dəfə almaniyalı deputat Ştrasserə istinad edilən bu maddədə AŞPA-nın müxtəlif ölkələri təmsil edən deputatlarına hədiyyə şəklində ötürülən kürünün əsas məqsədinin səsvermədə Azərbaycan tərəfinin istədiyi nəticəyə nail olmasına bağlanılır.
Hesabatın 46-cı maddəsində isə Azərbaycanın korrupsiya ilə əlaqədar cinayət məsuliyyəti haqqında Konvensiya imzalamayan 11 ölkədən biri olduğu bildirilir.
Hesabat Transparency İnternational təşkilatının 2012-ci ilə dair yeni yaydığı “Korrupsiya Qavrama İndeksi ilə yekunlaşır.
Xatırladaq ki, həmin indeksdə 43 Avropa Şurasına üzv ölkə arasında Azərbaycan sadəcə Ukraynanı qabaqlayır və 42-ci sırada yer tutub.
Eyni reytinq cədvəlində Azərbaycan dünya ölkələri sıralamasında isə 139-cu pillədədir.
Hesabatın yekun layihəsinin AŞPA-nın 30 sentyabr - 4 oktyabr tarixlərində keçiriləcək payız sessiyasında müzakirəyə çıxarılacağı güman olunur.-03D-
Siyasət
-
Rəqəmsal İnkişaf və Nəqliyyat Nazirliyi “Azərbaycan Hava Yolları” QSC-yə (AZAL) məxsus “Embraer 190” tipli sərnişin təyyarəsinin Aktau hava limanı yaxınlığında qəzaya uğraması ilə bağlı Beynəlxalq Mülki Aviasiya Təşkilatının (BMAT) 1944-cü il Beynəlxalq Mülki Aviasiya haqqında Çikaqo Konvensiyasının 13 saylı Əlavəsinin tələblərinə uyğun aparılan araşdırmanın ilkin hesabatı barədə məlumat yayıb.
-
Qazaxıstan Respublikasının Nəqliyyat Nazirliyi 25 dekabr 2024-cü il tarixində Aktau yaxınlığında baş vermiş Azərbaycan Hava Yollarına məxsus Embraer-190 təyyarəsinin qəzaya uğraması ilə bağlı ilkin araşdırma hesabatını dərc edib. Hesabat nazirliyin rəsmi saytında açıq şəkildə yayımlanıb.
-
Brüsselin boz, geniş səmaları altında bu ay Avropa Komissiyasında idarəetmə təşəbbüsünün bir işarəsi həyata keçirildi, Avropa İttifaqının diplomatik əlaqələrində yenilənmiş bir canlanma elan etdi. Yeni qurulan Genişlənmə və Şərq Qonşuluğu üzrə Baş Direktorat (DG ENEST) 1 Fevralda debüt etdi, İttifaqın şərq qonşuları və potensial yeni üzvlərlə qarşılıqlı əlaqələrini yenidən tənzimləmək üçün yeni bir kurs müəyyən etdi.
-
1 saylı Bakı İstintaq Təcridxanasında saxlanılan Abzas Media nəşrinin jurnalisti Nərgiz Absalamova nəzarətçi tərəfindən zorakılığa məruz qalıb.
Rəy yaz