Mətbuat-Monitorinq 27.11.12

Rəsmi qəzetlər dövlət başçısı İlham Əliyevin qəbulları, ölkənin iqtisadi inkişafı haqda yazır. 

“Azadlıq” qəzeti Böyük Britaniyanın “The İndependent” qəzetinin Azərbaycanda hakim ailənin dəbdəbəli həyat tərzi, bahalı xərcləmələri haqda yazmasını “Britaniyandan Əliyevlərə sarsıdıcı zərbə” adlandırır. 

2011-ci ilin aprel aksiyalarında iştiraka görə həbslə cəzalandırılmış, universitetdən xaric olunmuş  Elnur Məcidlinin hələ də Qərb Universitetinə bərpasına imkan verilmir. 

Parlamenti “zoopark” adlandırdığına görə deputatlar tərəfindən məhkəmə hədəsinə məruz qalan İlqar Məmmədov facebook səhifəsində parlamenti təkrar “zoopark” adlandırıb. 

Barəsində xuliqanlıq maddəsi ilə cinayət işi qaldırılmış AXCP fəalı Dəyanət Babayev məhkəmədən sərbəst buraxıldıqdan sonra “yenə  mübarizənin önündə olacağam” bəyanatını verib. 

Politoloq Leyla Əliyeva ölkədəki ictimai-siyasi duruma “İlham Əliyevdən azad seçki gözləməyə dəyməz, vəziyyəti güclü müqavimətlə dəyişmək olar” şərhini verib. 

“Zerkalo”. Ermənistanda prezident seçkilərinə hazırlıqlarla bağlı bu ölkənin dövlət başçısı Qarabağ münaqişəsinin tənzimlənməsinə dair danışıqlardan imtina 

edib, seçkilər başa çatana qədər bu məsələ xarici işlər nazirlikləri səviyyəsində müzakirə ediləcək. 

“Ekspress”. İranın Azərbaycandakı səfiri Möhsün Pakayin İran-Azərbaycan əlaqələrinin istənilən səviyyədə olmadığını bəyan edib. 

Azərbaycanın yurisdiksiyasına aid Xraxoba və Uryanoba kəndlərinin Dağıstana köçən sakinləri ciddi yaşayış problemlərilə üzləşirlər. 

“Exo”. Mərkəzi Bankın nizamnamə kapitalının yüksəldilməsi tələbi bankların sayının 44-dən 34-ə enəcəyini şərtləndirir. 

“Novoe Vremya” 20 il ərzində Qarabağ münaqişəsinin tənzimlənməsi vəzifəsinin öhdəsindən gələ bilməyən həmsədrlərin “yeni ideyalarla” gəlmələri bəyanatına “ATƏT-in Minsk Qrupu həmsədrlərində yenə də “yeni ideya...” mövqeyini ifadə edir. 

“Bizim yol” poiltoloq Rasim Ağayevə istinadən ABŞ-ın İranı Şimaldan mühasirəyə ala bilmək üçün Cənubi Qafqazda hərbi məliyyat hazırlaması kimi sensasion xəbər yayıb.  

Bakıda səfərdə olan türk kino sənətinin məşhur ismi Türkan Şoray əslən azərbaycanlı olması haqda açıqlama verib. 

Şirvan şəhərinin hakimi Tofiq Məcidovun evi qazdan partlayıb, özü və həyat yoldaşı xəsarət alıb. 

“Yeni Müsavat” ARDNŞ rəhbərliyinin Londonda iqtidara lobbiçilik etdiyi bir vaxtda “The Mail on Sunday” qəzetinin neft pullarını Əliyevlərin mənimsəməsi barədə geniş məqalə dərc etməsini “iqtidar lobbiçiliyinə böyük zərbə” adlandırır.   

Yazıçı Maqsud İbrahimbəyov son zamanlar vətəndaş mövqeyilə ölkə mətbuatının diqqət mərkəzində olan qardaşı Rüstəm İbrahimbəyova münasibətdə “o, mənim ögey qardaşımdır” deyib.