Amnesty İnternational Avropa Şurası məruzəçilərini Azərbaycana öz öhdəliklərini xatırlatmağa çağırır

Avropa Şurasının məruzəçisinin Azərbaycana səfərinin başlaması ilə əlaqədar Amnesty İnternational ona müraciət edərək Azərbaycanda insan haqlarının pozulması ilə bağlı vəziyyətə ciddi diqqət yetirməyə çağırıb.

Noyabrın 26-28-də Pedro Aqramunt Azərbaycanın AŞ qarşısındakı öhdəliklərini necə yerinə yetirdiyini qiymətləndirəcək. Onun bu mövzuda hesabatı AŞPA-nın 21-25 yanvar 2013-cü il tarixli sessiyasında müzakirə olunacaq.

Bununla əlaqədar Amnesty International Azərbaycanda ifadə və toplaşma azadlığının məhdudlaşdırılmasından, həmçinin işğıncə faktları və pis davranışdan narahatlığını bildirir. Bütün bu məsələlər Azərbaycanın öhdəlikləri sırasına daxildir və gələcək hesabatda əksini tapmalıdır.

Amnesty International-ın nümayəndəsi Nataliya Nozadze Bakıdadır. O, öz narahatlığını məruzəçiyə çatdıracaq və Aqramuntun vətəndaş cəmiyyətinin nümayəndələri ilə görüşündə iştirak edəcək.-02D-