Mətbuat-Monitorinq 28-29.04.13
Rəsmi qəzetlər dövlət başçısı İlham Əliyevin anası, tibb alimi Zərifə Əliyevanın 90 illik yubileyilə bağlı çoxsaylı məqalələr dərc ediblər.
“Azadlıq” qəzeti keçmiş rektor Elşad Abdullayevin PA rəhbəri Ramiz Mehdiyevin Almaniya və Çexiyada mülk və obiektlərinin izinə düşməsi xəbərini manjetə çıxarıb.
İranın “Mehr” agentliyi PA rəhbəri R.Mehdiyevin bu ölkəyə səfəri haqda məlumat yayıb.
Türkiyənin “Hürriyyət” qəzeti dövlət başçısı İlham Əliyevin Bakıda tikdirməkdə olduğu sayar haqda yazıb.
Qəbələ rayon rəhbərliyi Qarabağ veteranı Nizami Əliyevə məxsus torpaq sahəsində “Zərifə Əliyeva” parkı salıb, əvəzində veterana torpaq verməyib.
Lənkəran Dövlət Universitetinin prorektoru Qorxmaz Ağayev ifşa olunmamaq üçün rüşvət aldığı pulu udub, amma bu da ona kömək etməyib.
300 milyon əhalisi olan ABŞ-da hər 100 min nəfərə 233 polisin düşdüyü halda Azərbaycanda bu qərəm 456 nəfər təşkil edir.
Biləsuvar sakini İxtiyar Ağayev dövlətə satdığı pambığın pulunu ala bilmir, bu haqda məhkəmə qərarı olsa da məmurlar pulu vermirlər.
Tanınmış ziyalı Rüstəm İbrahimbəyov müəllifi olduğu Milli Şura ideyasının Rusiyadan gəlməsi haqda fikirləri “özünə qarşı söyüş” adlandırıb.
“Yeni Müsavat” təhsil naziri Misir Mərdanovun ardınca “yola salınacaq” nazirin kənd təsərrüfatı naziri İsmət Abbasovun olacağını ilk səhifəyə çıxarıb.
Güney Azərbaycanda milli fəalların həsblərinə etiraz olaraq İranın Türkiyədəki səfirliyinin önündə “Güneyə dəstək” şüarı altında aksiya keçirilib.
Qəzetin iddiasına görə, iqtidarın özünə real rəqib saydğı Müsavat Partiyasının başqanı İsa Qəmbərə qarşı xüsusi “analitik qrup” yaradıb.
Kür çayı üzərindəki körpü uçduğundan Bakının 7 rayonla əlaqəsi kəsilib və körpünün 3 gün bağlı olacağı bildirilir.
Rəsmi Bakının Azərbaycanda inqilab hazırlamaqda ittiham etdiyi ABŞ-ın Milli Demokratiya İnstitutunun fəaliyyətinə razılıq verməsini qəzet ironiya ilə “inqilab institutuna yaşıl işıq” adlandırır.
Ləzgi məsələsi”ndən beynəlxalq miqyasda Azərbaycana qarşı istifadə olunmasını ekspertlər “Rusiyanın düyməyə basması” ilə əlaqələndirirlər.
“Bakı Xəbər”. Sevdiyi qızı ona vermədikləri üçün Şirvan sakini Savalan Nəhmədov sevgilisi Maya Əliyevanı, qızın valideynləri Rahil Əliyevi və Aidə Əliyevanı bıçaqlayıb. M.Əliyeva aldığı yaradan xəstəxanada vəfat edib.
-
- İqtisadiyyat
- 29 Aprel 2013 11:31
-
- İqtisadiyyat
- 29 Aprel 2013 11:46
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz