![Mətbuat-Monitorinq 28.05.15](https://turan.az/resized/media/2015/main/052800117407-750-500-resize.webp)
Mətbuat-Monitorinq 28.05.15
Rəsmi qəzetlər dövlət başçısı İlham Əliyevin Xalq Cümhuriyyətinin şərəfinə ucaldılan abidəni ziyarət etməsi haqda xəbərləri ilk səhifədə yerləşdiriblər.
“Azadlıq” qəzeti Beynəlxalq Banka kredit borcu ilə bağlı deputat Fərhad Qəribovun bir oğlunun dindirilməsini, digərinin axtarışa verilməsini manjetə çıxarıb.
Qəzet Mircamal Paşayevin “Kapitalbank” Müşahidə Şurasının sədrliyindən istefa verməsini bankda “kredit qalmaqalı”nın başlaması ilə əlaqələndirir. Son 4 ayda Türkiyədə Azərbaycana aid 60 şirkətin yaradılmasına diqqət çəkən qəzet bunu “Azərbaycan pullarının Türkiyəyə axması” adlandırır.
“Freedom House” təşkilatı həbsdə olan QHT sədri İntiqam Əliyevə tibbi yardım göstərilməsindən imtinanı “qeyri-insani davranış” kimi dəyərləndirir.
AXCP sədri Əli Kərimli ad gününü həbsdə qeyd edən jurnalist Xədicə İsmayıla təbrikində onu “xalqın mübarizə simvollarından biri” kimi qiymətləndirir.
Həbsdə olan QHT sədri Anar Məmmədli Cümhuriyyət Günü ilə bağlı xalqa təbrik ünvanlayıb.
Qəzet rejim əlaltılarının Milli Şuranın 30 may mitinqi əleyhinə təbliğat aparmalarını “mitinqin hakimiyyəti qorxuya salması” hesab edir.
Milli Şuranın sədri Cəmil Həsənli 1918-20-ci illər cümhuriyyət qurucularının Bakıda abidələrinin olmamasını “indiki hakimiyyətin cümhuriyyət banilərinə qlsqanc münasibətinin nəticəsi” kimi şərh edir.
“Ekspress” PA rəsmisi Novruz Məmmədovun Qərbin rəsmi Bakını tənqid etməsinə “bizi qısqanırlar” kimi “müdrik” cavabını önə çəkib.
“Novoe Vremya” son vaxtlar iş adamlarının kütləvi həbsinə “əcaiblik yaradan hüquqi sistem” mövqeyini diqqət mərkəzinə çəkib.
Qəzet bu günlərdə Binəqədi rayonunda çoxmərtəbəli binada baş verən yanğına biznes maraqlarının da səbəb olduğunu yazır və “özəl əmanətlərin qorunması” ilə bağlı qanunun korrupsiyaya qarşı mübarizəyə mane olmasını iddia edərək bu qanunu məmur-oliqarxlar üçün “təhlükəsizlik zonası” adlandırır.
“Bizim yol” Bakıda abadlıq işləri aparılması üçün Bakı Şəhər İcra Hakimiyyətinə 1.7 milyard manat verilməsini ilk səhifəyə yerləşdirib.
“Yeni Müsavat” müxalifət qüvvələrinin həbsə alınan iş adamlarını müdafiə etmələrini “məmur oliqarxların müxalifətdən kömək istəməsi” adı ilə ilk səhifəyə çıxarıb.
Qəzet Mircamal Paşayevin “Kapitalbank”ın Müşahidə Şurası sədrliyindən istefasını “daha bir nəhəng bankda şübhəli istefa” kimi dəyərləndirir.
Qəzet yazır ki, “Azadlıq-2015” blokuna daxil olan partiyalar Nazirlər Kabinetinin və Mərkəzi Bankın sədrini istefaya göndərilməsilə bağlı dövlət başçısı İlham Əliyevə müraciət ünvanlayıb.
Binəqədi rayonunda yanan çoxmərtəbli binanı deputat Ağalar Vəliyevə məxsus şirkətin təmir edəcəyi haqda xəbərlərə ekspertlər “deputatın ASC-yə rəhbərlik etməsinin qanunların kobud şəkildə pozulması” kimi yanaşıblar. İri şirkətlərin vergi borclarını ödəmə məcbur edilməsini və Vergilər Nazirlyinin borclulara cinayət işinin açılacağı mövqeiyin qəzet “hökumətin artıq heç kəsi bağışlamaması” kimi qiymətləndirir.
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz