Freedom House: İntiqam Əliyevin həyatı təhlükədədir

Azərbaycan hakimiyyəti həbsdə olan hüquq müdafiəçisi İntiqam Əliyevə lazımi tibbi yardım göstərməkdən imtina etdikdən sonra Freedom House hüquq-müdafiə təşkilatı bəyanatla çıxış edib.

“Azərbaycan hakimiyyətinin uydurma ittihamla 7,5 il müddətinə azadlıqdan məhrum edilmiş hüquq müdafiəçisi İntiqam Əliyevə tibbi yardım göstərməkdən imtina etməsi qeyri-insani davranışdır. Hazırda belindəki xəsarət səbəbindən o otura və normal hərəkət edə bilmir ki,  bu da ona böyük əziyyət verir”, - Freedom House-un proqram rəhbəri Robert Herman bildirib.

“İntiqam Əliyevlə bu cür rüsvayçı davranış 2009-cu ildə Rusiyada Sergey Maqnitsikinn işini xatırladır. Odur ki, biz Azərbaycan hakimiyyətindən tələb edirik ki, bütün digər siyasi məhbuslar kini İ.Əliyev dərhal zəruri tibbi yardımla təmin edilsin”, - bəyanatda vurğulanır.

*52 yaşlı İntiqam Əliyev uydurma “qanunsuz sahibkarlıq” ittihamı ilə həbs olunub.

Hüquq müdafiəçisi Avropa İnsan Hüquqları Məhkəməsinə təqdim edilmək üçün 200-dən çox iş hazırlayıb. Bu işlər vətəndaşlar tərəfindən Azərbaycan hökumətinə qarşı qaldırılıb.

Beynəlxalq birlik və təşkilatlar İntiqam Əliyevi siyasi məhbus hesab edirlər.-02D-