Müxalifət: Hakimiyyət Rəsulzadə ideyalarına xəyanət edib

Bu gün Müsavat Partiyası, Milli Şura, sonra isə Klassik Xalq  Cəbhəsi Partiyasının tərəfdarları Novxanı qəsəbəsində Azərbaycan Xalq Cümhuriyyətinin banisi Məmmədəmin Rəsuladənin abidəsi önündə mitinq keçiriblər.

Şərqdə ilk demokratik respublikanın qurucularının xidmətlərini xatırlayan mitinq iştirakçıları indiki hakimiyyəti Rəsulzadə ideyalarını unutmaqda, demokratiya və ədalətdən normalarından kənara çəkilməkdə, milli sərvətləri talamaqda və korrupsiyada ittiham ediblər.

Mitinqdə çıxış edənlər deyiblər ki, özünü demokratik adlandıran indiki hökumət mahiyyətcə avtoritardır. Onların məqsədi və vəzifəsi demokratiya şüarları altında gizlənərək zənginləşməkdir.

“İndiki hakimiyyət Azərbaycanın tarixində qara ləkədir. Qara olsa da, müvəqqəti ləkədir. Biz onu siləcəyik və Məmmədəmin Rəsulzadə dəyərlərini ölkəyə qaytaracağıq və bu dəfə bu dəyərlər uzunmüddətli olacaq”, - Əli Kərimli bildirilib.

Ümumilikdə, müxalifət qüvvələrinin üç aksiyasında bir neçə min adam iştirak edib. Mitinqlər insidentsiz keçib.-02В-