Rəsmi və iqtidaryönlü qəzetlər dövlət başçısı İlham Əliyevin əmək pensiyalarının baza hissəsinin 100 manat müəyyən olunması haqda sərəncamının mətnini dərc ediblər.
Bu qəzetlərdə Milli Şuranı, onun vahid namizədini qarayaxma kampaniyasına məruz qoyan çoxsaylı məqalələr dərc edilib.
“Azadlıq” qəzeti qarşıdakı prezident seçkilərilə bağlı mövzuya geniş yer verib.
Milli Şuranın prezidentliyə namizədi Cəmil Həsənli naməlum şəxslərin onun üstünə kimyəvi maye atması kimi təxribatla üzləşib. Saatlı rayonunda C.Həsənlinin təşəbbüs qrupunun toplantısına icazə verilməyib.
Ölkə telekanallarının prezident seçkilərində pullu təşviqata efir verəcəyi hələ ki, sual altındadır.
Rəsmi Bakının seçkilər öncəsi öz adamları vasitəsilə Milli Şuranın “təxribat”lara hazırlaşması haqda bəyanatlarını qurum sədri Rüstəm İbtahimbəyov “çirkin, namussuz addımlara gedilməsi” kimi dəyərləndirib.
ABŞ diplomatı Rebekka Vinsent Azərbaycanda İnternetin rəsmi Bakını tənqid edənlər üçün təhlükə mənbəyinə döndüyünü yazaraq belə durumun yaranmasına görə beynəlxalq qurumları tənqid edib.
“Zerkalo” yazır ki, Gürcüstanın Adıgen rayonunun Çela kəndində pravoslav icmasının tələbilə buradakı məscidin minarəsini sökülməsi cəhdləri gürcü-müsəlmanların etirazına, polislə qarşıdurmasına səbəb olub, saxlanılanlar var.
“Ekspress”. Bolnisidə icra başçısının azərbaycanlı müavininin gürcü dilini bilmədiyinə görə işdən azad edilməsinə cavab olaraq azərbaycanlıaır etiraz aksiyası keçiriblər.
Orta məktəbi medalla bitirən 26 şagirdin qəbul imtahanlarında uğursuzluğunun Təhsil Nazirliyi ilə Tələbə Qəbulu Komissiyasını üz-üzə qoyması “medal qalmaqalı” kimi şərh edilir.
“Exo” ölkədə ailələrin məsrəflərində qidalanma, istirahət, kommunal, uşaq və şəxsi xərclərin ilk beşliyə daxil olduğunu, ailənin aylıq qazancının 40%-nin təkcə qidalanmaya sərf edildiyini yazır.
“Bizim yol” Mərkəzi Seçki Komissiyasının İslam Partiyasının prezidentliyə namizədi, partiyanın həbsdə olan sədri Mövsüm Səmədovun müraciətinə cavab vermədiyini bildirir.
Hüquq müdafiəçisi Eldar Zeynalov həbsdə olan keçmiş nazir Fərhad Əliyevin hüquqlarının müdafiəçisi Cəmil Həsənlinin prezidentliyə namizədliyini dəstəkləməməsinə “görünür, Fərhad Əliyev əfv məsələsini həll edir” şərhini verib.
“Yeni Müsavat” vətəndaşların Milli Şuranın prezidentliyə vahid namizədi Cəmil Həsənliyə imza verə bilməmələri üçün şəxsiyyət vəsiqələrinin total şəkildə yığılmasını “iqtidarın Milli Şuranın namizədinə təxribat planı” adlandırır.
Müsavat Partiyası C.Həsənli üçün 21 min imza toplamağı öhdəsinə götürüb.
Qəzet məmur övladlarının rüşvətlə XİN-ə işə qəbul edilmələrini, diplomatiya sahəsində yüksək vəzifələrə təyin olunmalarını “kadr siyasəti barədə dəhşətli faktlar, diplomatiyaya ağır zərbə” kimi şərh edir.
Yaydığı video-materiallarla iqtidarı ifşa edən və Fransada mühacirətdə olan keçmiş rektor Elşad Abdullayevin beynalxalq axtarışa verilməsinə Fransa tərəfi E.Abdullayevi verməyəcəyi bəyanatını səsləndirib.
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz