Rəsmi qəzetlər dövlət başçısı İlham Əliyevin Naxçıvanda Şəkərabad-Babək qəsəbə-Nehrəm-Arazkənd dairəvi avtomobil yolunun yenidən qurulması üçün 5 milyon manat vəsait ayırması, Alban-Udin dini icmasının rəhbəri Robert Mobilinin “Şöhrət” ordenilə təltif olunması haqda sərəncamlarının mətnlərini ilk səhifəyə yerləşdiriblər.
“Azadlıq” qəzeti İran səmasında vurulan İsrail pilotsuz təyyarəsinin Naxçıvandan qalxdığını ilk səhifəyə çıxararaq İran tərəfin Azərbaycana “cavabımız diplomatik olmayacaq” hədəsi göndərdiyini bildirir.
“Şəffaflıq Azərbaycan” təşkilatı ona ayrılan 1 milyon dollarlıq qrantla bağlı maliyyə vəsaitini götürə bilmədikləri üçün fəaliyyətini dayandırdığını bəyan edib.
Həbsdə olan tanınmış ruhani alim Taleh Bağırzadə saxlandığı 12 saylı həbsxanada üzləşdiyi haqsızlıqlarla bağlı ölkə ictimaiyyətinə müraciət ünvanlayıb.
Naxçıvan universitetinin jurnalistika fakültəsinə cəmi 1 tələbə qəbul edildiyini, onun da ixtisasının dəyişdirildiyini qəzet “Naxçıvanda misli görünməmiş hadisə” adlandırır.
Milli Şura qurumun üzvü Eldəniz Quliyevin daxili işlər naziri Ramil Usubov tərəfindən məhkəməyə verilməsini Şuraya təzyiq kimi dəyərləndirib.
Hüquq müdafiəçisi İlqar Nəsibovun Naxçıvanda vəhşicəsinə döyülməsinə baxmayaraq, hələ də cinayət işinin qaldırılmaması “sui-qəsdi ört-basdır” kimi dəyərləndirilir.
Qəzet Türkiyə prezidenti Ərdoğanın inauqurasiya mərasiminə 14 ölkə prezidentinin qatılmasına baxmayaraq, İlham Əliyevin qatılmamasını qardaş ölkəyə sayğısızlıq adlandırır.
Azərbaycan Milli Qəhrəmanları 23 saylı məktəbdən Milli Qəhrəman Tahir Həsənovun adının və büstünün götürülməsinə etiraz ifadə ediblər.
“Ayna-Zerkalo” qəzetlərinin baş redaktoru Elçin Şıxlı kollektivlə iclas keçirərək qəzetlərin fəaliyyətini dayandırdığını, bərpasına heç bir ümidin olmadığını bildirib.
“Ekspress” ölkənin 10 rayonunda inəklərin “nodulyar dermatit” xəstəliyinə tutulması haqda xəbəri ilk səhifəyə çıxarıb.
Azərbaycanın Müdafiə Nazirliyi İran səmasında vurulan pilotsuz İsrail təyyarəsinin Azərbaycandan qalxması haqda İran tərəfin yaydığı məlumatı təkzib edir.
“Exo” Bakı metrosunun tikilməkdə olan “Avtovağzal” və “Memar Əcəmi-2” stansiyalarında əlillər üçün liftlərin quraşdırılmasının davam etdiyini nəzərə çatdırır.
“Novoe Vremya” NATO-nun genişləndirilməsi layihəsinin Rusiya-Ukrayna müharibəsinə səbəb olduğunu yazaraq Azərbaycanı da belə talenin gözlədiyini “NATO genişləndirmə prosesində Azərbaycanı da unutmur” mövqeyilə ifadə edir.
“Bizim yol” Səbayel Rayon Məhkəməsinin önündə Anar Rəsulov adlı şəxsin Qarabağ müharibəsi veteranı Siyavuş Aslanovu bıçaqlamasına baxmayaraq, polisin onu saxlamamasını ön plana çıxarıb.
“Yeni Müsavat” nəqliyyat naziri Ziya Məmmədovun iqtidarla münaqişə durumunda olan baş nazirin keçmiş birinci müavini Abbas Abbasovla məxfi danışmasının üstünün açıldığı üçün karyerasını itirəcəyi iddiasını önə çəkib.
Milli Şuranın sədri Cəmil Həsənli iqtidarın fəal gəncləri izləmək və cəzalandırmaq üçün xüsusi struktur yaratdığı barədə bəyanat səsləndirib.
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz