“Azadlıq” qəzeti AXCP-nin qurultay keçirməsi və Əli Kərimlinin yenidən partiya sədri seçilməsini manjetə çıxarıb.
Amerikalı senator Patrik Lixi rəmsi Bakını siyasi məhbusları azad etməyə çağırıb.
ABŞ-ın ATƏT-dəki nümayəndəsi Daniel Baer rəsmi Bakının tənqidçi QHT-ləri “5-ci kolon” saymasını “repressiv rejimlərin dərinə işləmiş xüsusiyyəti” kimi şərh edir.
Avroparlamentin məlum qətnaməsindən də rəsmi Bakının düzgün nəticə çıxarmadığını deyən ABŞ-ın Azərbaycandakı keçmiş səfiri Riçard Kozlariç “ABŞ və Avropa rəsmiləri çox çətin qərar verərək rəsmi Bakını düzgün addım atmağa məcbur etməlidir” bəyanatını səsləndirib.
“The Waşington Post” qəzeti “Əliyev belə davam edə bilməz” məqaləsi dərc edərək ölkədə repressiyaların davam etməsinə diqqət çəkir.
Ölkə prokurorluğunun nümayəndələri “Azadlıq” radiosu ilə əməkdaşlıq edən İslam Şıxəliyevin evində axtarış aparıb, texniki avadanlıqları və xarici pasportu müsadirə ediblər.
Biləsuvar rayon Telekommunikasiya Qovşağının rəisi İlkin Ağayev özünü asaraq intihar edib.
Sentyabrın 26-da isə ölkə üzrə iki intihar və iki intihara cəhd qeydə alınıb.
Mərkəzi Bankın rəhbəri Elman Rüstəmovun yaxın 4 ildə manatın dollar və avroya nisbətdə sabitliyini saxlayacağı barədə bəyanatına ekspertlər “4 ildə manatın kursunu indiki səviyyədə saxlamağın mümkünsüz olacağını” bildiriblər.
Ötən illə müqayisədə bu il sənaye məhsullarının istehsalı 5 milyard manat az olub.
“Yeni Müsavat” cəbhədə lokal döyüşləri “sülh prosesinin fiasko ərəfəsində olması” kimi ilk səhifəyə çıxarıb.
Azərbaycanda insan oğurluğu ilə məşğul olan dəstə peyda olub, Bakıda generalın nəvəsi, Gürcüstanda biznesmenin xanımının oğurlandığı iddia edilir.
Devalvasiya təhlükəsinin aradan qalxmadğını deyən ekspertlər bu sahədə vəziyyəti “olduqca ciddi” kimi dəyərləndirirlər.
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz