Mətbuat-Monitorinq 28.09.32

Rəsmi və iqtidaryönlü qəzetlər dövlət başçısı İlham Əliyevin mərhum şair Məmməd Arazın 80 illik yubileyinin qeyd olunması ilə bağıı sərəncamının mətnini ilk səhifəyə çıxarıblar. 

“Azadlıq” qəzeti Milli Şuranın prezidentliyə namizədi Cəmil Həsənlinin təbliğatı ilə bağlı 28 sentyabr mitinqini “Qələbə” mitinqi adlandırır. 

Salyan, Sabirabad rayonlarında polislər C.Həsənlinin təbliğatı ilə məşğul olan şəxsləri həbs edəcəklərilə hədələyirlər.

ATƏT-in media azadlığı üzrə nümayəndəsi  Dünya Miyatoviç rəsmi Bakını  jurnalistlərə qarşı təqibləri dayandırmağa, ABŞ dövlət katibinin müavini Tomas Melia isə media ilə bağlı problemləri araşdırmağa çağırıb. 

AXCP sədri Əli Kərimli bəzi media saytlarında bir il ərzində 8 milyon dollar xərcləməsi haqda iddiaları xüsusi xidmət oqranlarının uydurduğu yalanlar adlandırıb, heç bir bankda hesabı olmaması, ona aid bağ evi kimi göstərilən evin özünün yox, qohumunun olmasını açıqlayıb və həmin media qaynaqlarını İlham Əiyevdən hesabları haqda izahat istəməyə çağırıb.       

“Zerkalo” cəmiyyətin etirazlarına baxmayaraq xüsusi xidmət orqanlarının  jurnalist və QHT rəhbəri Pərviz Həşimlinin silah qaçaqmalçısı olmasında israr etməsinə diqqət çəkir.  

“Ekspress”  “qış bulvarı parkı”nın Hüseyn Cavid bağına kimi uzanacağını yazaraq Bakını yeni geniş əhatəli söküntülərin bürüyəcəyini nəzərə çatdırır. 

“Exo”  Azərbaycanda ən yüksək maaşın 60 min manat (?) olduğunu yazaraq ekspertlərə istinadən ən yüksək maaşların bank, energetika, sığorta sahələrində verildiyini bildirir. 

Hökumətyönlü mövqelərilə seçilən “Rəy”,  “Konstitusiya” və “Proqnoz” ictimai birlikləri prezident seçkilərində “exit-poll”la məşğul olmaq üçün MSK-da qeydiyyata alınıblar. 

“Novoe Vremya” rəsmi Vaşinqtonun Azərbaycanda demokratiya problemini gündəmə gətriməsini “Azərbaycanda demokratiya məsələsinin Ağ Evi zarafatsız narahat etməyə başlaması” kimi dəyərləndirir. 

“Bizim yol”  həbsdə olan keçmiş iqtisadi inkişaf naziri Fərhad Əliyevin müalicə müəssisəsinə köçürülməsini “əfvdən qabaq həbsxanadan çıxarılması” adlandırır.   

“Yeni Müsavat”  səfir Polad Bülbüloğlunun erməni saytına müsahibəsində dediyi “Azərbaycanın da sülhdən başqa yolu yoxdur” ifadəsini “səfirdən qalmaqallı müsahibə” kimi, “iqtidarın siyasətinə qarşı” olması kimi dəyərləndirir.

AXCP sədri Əli Kərimli bəzi saytlarda 8 miylon varidata malik olması haqda yayılan informasiyalara “nəinki 8 milyon  dollar, heç 80 min dollarım da yoxdur” cavabını verib.