ATƏT-in Minsk Qrupunun həmsədrləri İqor Popov (Rusiya), Jak For (Fransa), Ceyms Uorlik (ABŞ) və ATƏT-in hazırki sədrinin şəxsi nümayəndəsi Anjey Kasprşik sentyabrın 27-də Nyu Yorkda Azərbaycan və Ermənistan XİN rəhbərləri Elmar Məmmədyarov və Edvard Nalbandyanla görüşüblər.
Görüşün yekununa dair press-relizde deyilir ki, həmsədrlər və nazirlər dinc prosesin vəziyyətini üzakirə ediblər. Həmsədrlər Dağlıq Qarabağ münaqişəsinin sülh yolu ilə həllinə, güc tətbiq edilməməsinə, ərazi bütövlüyü, bərabər hüquqlar və xalqların öz müqəddəratını təyin etməsində öz ölkələrinin dəstəyinə sadiqliyini vurğulayıblar.
Həmsədrlər həmçinin üç prezidentin 2013-ci il 18 iyun tarixli bəyanatını xatırladıblar. Bu bəyanatda tərəflər regionda gərginliyi artıran və bununla da münaqişənin genişlənməsinə gətirib çıxara bilən istənilən hərəkətlərdən və ya ritorikadan imtina etməyə çağırılır.
Öz növbəsində nazirlər həmsədrlərlə münaqişənin dinc yolla həllinə nail olmaq üçün işi davam etdirmək qətiyyətində olduqlarını təsdiqləyiblər.
Həmsədrlər bu ilin sonunda prezidentlərlə görüşlərinin mümkünlüyünü müzakirə etmək üçün noyabrda regiona səfər etmək niyyətindədirlər.-02D-
Siyasət
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
-
Dövlət başçısının sərəncamı ilə Vüsal Aslanov "Bakı metropoliteni" Qapalı Səhmdar Cəmiyyətinin sədri təyin edilib.
-
Narkotik maddə işi üzrə mühakimə olunmuş fəal İlhamiz Quliyev Umbakıdakı penitensiar kompleksdə saxlanma şəraitinin pis olmasından şikayət edib. Bu barədə Turan-a onun yaxınları bildiriblər.
-
Səkkiz dron Kazan şəhərinə hücum edərək sənaye müəssisəsini və yaşayış binalarını hədəfə aldı. Bu nadir hadisə Ukrayna ilə Rusiya arasındakı gərgin münaqişənin artmaqda olduğunu vurğulayır. Rəsmi məlumatlara görə, hələlik tələfat haqqında məlumat yoxdur.
Rəy yaz