Mətbuat-Monitorinq 28.11.12

Rəsmi qəzetlər dövlət başçısının və xanımının görüşləri, qəbullar, qanunlara edilən dəyişikliklər haqqında qazrılar.

“Azadlıq”.  Azərbaycan vətəndaşı Qəmbər Səfərov nəqliyyat naziri Ziya Məmmədovu  ona məxsus “Yunıy Maryak” gəmisini oğurlamaqda ittiham edir. 

İlqar Tağı bir il öncə qətlə yetirilən qardaşı, yazar Rafiq Tağının qətlinin üstünün açılmamasına görə “bu qətldə iqtidarın maraqlı olmasını istisna etmirəm” bəyanatını verib. 

Qəzet Tələbə Qəbulu Komissiyası və Təhsil Nazirliyi arasında çəkişmələrin mətbuatda əksini tapmasını “təhsil bossları savaşının açıq müstəviyə keçməsi” adlandırır. 

Qarabağ savaşında Azərbaycanın tanınan komandirlərindən biri, mühacirətdə olan İsa Sadıqov  şərti “milyarderlər ittifaqı” üzvlərinin müstəqil təşəbbüslərinə görə iqtidarın qəzəbinə gəldiklərini bildirib.  

Tarixçi-professor Cəmil Həsənli ölkədə korrupsiyanın hədd-hüdud tanımamasına “beynəlxalq aləm harada korrupsiya, oğurluq faktı axtarırsa oradan Azərbaycanın adı çıxır” şəklində şərh verib.

“Ekspress”  Qarabağ probleminin 20 il ərzində həllini tapmamasını və bu məsələdə ATƏT-in Minsk Qrupunu günahlandırmasını “il ilə satılır” şəklində təqdim edir.

6-7 il öncə ölkədə cəmi 60 min nəfər şəkər xəstəsi oluğunu yazan qəzet ötən müddət ərzində bu  xəstələrin sayının 160 min nəfərə qalxdığını qeyd edir. 

“Exo” yeni Mənzil Məcəlləsinin qüvvəyə minməsinə, binaların idarə edilməsində sakinlərdən ibarət şuraların yaradılmasının əksini tapmasına baxmayaraq, qanunun işləməməsinə səbəb kimi hələ də sovet rejimindən qalma “jek”ləri göstərir. 

“Novoe Vremya” dövlət başçısı İlham Əliyevin “TANAP” kəmərinin çəkilşilə bağlı sazişi bu günlərdə imzalaması ilə bağlı  “Azərbaycanda seçkiöncəsi mübarizədə TANAP element kimi” mövqeyini ifadə edir.  

“Bizim yol” Gürcüstan azərbaycanlılarının Azərbaycanda qalma müddətinin 90 gündən 30 günə endirilməsini “iqtidardan soydaşlara ağır zərbə” kimi dəyərləndirir. 

Ötən müddətdə ordu sıralarında 89 əsgər ölüb, 84 əsgər yaralanıb. 

Keçmiş deputat Gülər Əhmədova ilə bağlı “rüşvət olayı” videosunda görüntülənən Sevinc Babayevanı keçmiş rektor Elşad Abdullayevlə deputat Nizami Cəfərovun tanış etdiyini yazan qəzet bunu “rektorun daha bir deputatı “yandıra” bilməsi” adlandırır. 

“Yeni Müsavat” iş adamının Bakıya gətirdiyini gəmini nəqliyyat naziri Ziya Məmmədovun saxta sənədlə ələ keçirməsi xəbərini manjetə çıxarıb.  

Son vaxtlar iqtidarı yaydığı videolarla ifşa edən keçmiş rektor Elşad Abdullayev deputat Gülər Əhmədova ilə bağlı daha iki video yaymağa hazırlaşdığını açıqlayıb.   

YAP-ın Azərbaycan Dövlətçiliyi Naminə Demokratik Talış Birliyini separatçı ittihamlara məruz qoymasına qurum YAP-a “lallar, korlar partiyası” cavabını verib. 

Qəzet “Euobserver” saytına istinadən ötən həftə Azərbaycanla Avropa İttifaqı arasında insan haqlarına dair müzakirələrdə “kürü diplomatiyası”nın da tənqid olunduğunu yazır.