Rəsmi qəzetlər dövlət başçısı İlham Əliyevin Müşfiqabad qəsəbəsində 1440 məcburi köçkün üçün salınan yeni məhəllənin istifadəyə verilməsi mərasimində iştirakı haqda yazırlar.
“Azadlıq” keçmiş rektor Elşad Abdullayevin yaydığı videolarda adı “deputatlıq rüşvəti” olayında keçən Sevinc Babayevanın Türkiyədə ölməsi xəbərini manjetə çıxarıb, qəzet “əcəli ilə ölüb, yoxsa öldürülüb?” sualını gündəmə gətirir.
İqtidarın etimadsız qarşıladığı şərti “milyarderlər ittifaqı”nın yaradıcılarından Abbas Abbasovla dövlət başçısının görüşünü Rüstəm İbrahimbəyov “ümidvaram ki, A.Abbasov onları başa salıb” kimi şərh edib.
Dövlət başçısı İlham Əliyevin son 9 ildə ölkədə 1 milyondan çox yeni iş yerinin açılması haqda bəyanatını ekspertlər “ilin ən böyük yalanı” adlandırıblar.
Baş nazirin müavini Abid Şərifovun Heydər Əliyev adına İdman kompleksinin yaxınlığındakı villası yanıb.
Ermənilərin “Voskopanat” terror təşkilatı “Pismennoe nasledie Kavkazskix alban” kitabına görə alim Bəxtiyar Tuncaya ölüm fitvası verib.
“Zerkalo” Prezident Administrasiyası ictimai-siyasi şöbəsinin müdiri Əli Həsənovun 2012-ci ili son 21 ilin ən uğurlu adlandırmasına “çəhrayı rəngli dünya” mövqeyini ifadə edir.
“Ekspress”. Hüquq müdafiəçisi Elçin Behbud etirafedici ifadələr almaq üçün saxlanılanlara işəncə verildiyini bəyan edərək həbsxanalara ictimai nəzarət strukturunun yaradılmasından danışıb.
Dekabrın 27-də Bakıda 3 qadın intihar edib.
“Exo” . 2012-ci ildə Azərbaycan miqrasiya qanunvericiliyini 18 minə yaxın xarici vətəndaş və vətəndaşlığı olmayan şəxs pozub.
Ölkənin palçıq vulkanları xəritəsinin hazırlandığını yazan qəzet dünyadakı 2 min palçıq vulkanından 350-nin Azərbaycanda yerləşdiyini bildirir.
“Novoe Vremya” ölkə iqtisadiyyatının inkişafı ilə bağlı rəsmilərin səsləndirdikləri rəqəmləri etibarsız sayaraq “Azərbaycan iqtisadiyyatının “möcüzəsi” ironiyasını ifadə edir.
“Bizim yol” keçmiş rektor Elşad Abdullayevin yaydığı videolarda adı “deputatlıq rüşvəti” olayında keçən Sevinc Babayevanın Türkiyədə ölüm xəbərinin yayılması, amma xəbərin Türkiyədə təsdiqini tapmamasını qeyd edir.
Qəzet müstəqil iqtisadçı ekspertlərin 2012-ci ili “neftdən asılılığın artması, qeyri-neft sektorunun tənəzzülü, xarici kapital axınının azalması, büdcənin talanması” kimi dəyərləndirməsinə diqqəti çəkir.
“Yeni Müsavat” keçmiş rektor Elşad Abdullyevin yaydığı videolarda adı “deputatlıq rüşvəti” olayında keçən Sevinc Babayevanın Türkiyədə ölməsi haqda xəbərə “Sevinc Babayevanı aradan götürdülər” mövqeyini ifadə edib.
Kassa aparatının olmamasına görə cərimələrə etiraz olaraq “Sədərək” yarmarkasında 500-ə yaxın sahibkar aksiya keçirib.
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz